ສ້າງລາຍຮັບ 70 ລ້ານກວ່າກີບ ຈາກການປູກຜັກປອດສານພິດ

0
219



ຂປລ. ເມື່ອເອີ່ຍເຖິງຜັກສະຫລັດປອດສານພິດ ຄົງມີພຽງບໍ່ເທົ່າໃດຟາມ ເປັນທີ່ຮູ້ຈັກກັນໃນບັນ ດາຮ້ານອາຫານ, ພັດຕະຄານ ແລະ ໂຮງແຮມ ທີ່ມີຊື່ສຽງໃນນະຄອນຫລວງວຽງຈັນ ໄດ້ນຳມາປຸງແຕ່ງຫານໄວ້ບໍລິການສຳລັບລູກຄ້າ, ສາມມິດຟາມ ຫລື (Organic and Hydroponic Farm) ເປັນຟາມໜຶ່ງທີ່ປູກຜັກສະຫລັດປອດສານພິດ ດ້ວຍການນຳແນວພັນມາຈາກຕ່າງປະເທດ (ສະຫະພາບເອີຮົບ) 100%, ໂດຍມີເປົ້າໝາຍ ເພື່ອໃຫ້ຜູ້ບໍລິໂພກໄດ້ກິນຜັກສະຫລັດທີ່ມີຄຸນນະພາບ, ສິ່ງສຳຄັນແມ່ນມີສຸຂະພາບທີ່ດີ, ໂດຍຟາມດັ່ງກ່າວມີຜັກສະຫລັດດວ້ຍກັນ 7 ຊະນິດ ເຊັ່ນ: ກຣິນໂອກ, ເຫຣດໂອກ, ຟິນເລ້, ບັດເຕີເຫດ, ກຣິນຄອດ, ລອກເກດ ແລະ ເຫຣດຄໍລໍ. ນອກຈາກນັ້ນ, ຍັງມີໜໍ່ໄມ້ຝຣັ່ງ, ໝາກເລັ່ນຣາຊິນີ ແລະ ຜັກເຊນາລີ ຕື່ມອີກ.


ທ່ານ ວິໄລສັກ ແພງກັນຍາ ເຈົ້າຂອງສາມມິດຟາມ ໄດ້ເລົ່າສູ່ຜູ້ຂຽນ ເມື່ອອາທິດຜ່ານມານີ້ວ່າ: ໃນເບື້ອງຕົ້ນກ່ອນຈະມາເປັນສາມມິດຟາມ ຕົນເອງມີຄວາມສົນໃຈດ້ານກະສິກຳ ໄດ້ທົດລອງປູກພືດຜັກຈຳນວນໜຶ່ງເພື່ອໄວ້ກິນເອງ, ເຫັນວ່າເປັນຜັກທີ່ສະອາດ ແລະ ສັງຄົມກໍມີຄວາມສົນໃຈ ກ່ຽວກັບການຮັກສາສຸຂະພາບ ຫັນມາກິນຜັກທີ່ສະອາດ (ຜັກປອດສານພິດ), ສິ່ງສຳຄັນກວ່ານັ້ນ ແມ່ນມີຄວາມເປັນຫວ່ງຕໍ່ຜູ້ບໍລິໂພກ ເພາະວ່າຜັກຕາມຕະຫລາດທຸກມື້ນີ້ ຊື້ມາບໍ່ເກີນສອງມື້ເນົ່າແລ້ວ. ເລີຍຕັດສິນໃຈຢາກເຮັດສວນຜັກປອດສານຜິດ. ຈາກນັ້ນ, ຈຶ່ງໄດ້ລົງທຶນຮ່ວມກັນ 3 ຄົນ ຈຶ່ງເກີດເປັນສາມມິດຟາມ, ໂດຍມີການລົງທຶນໃນເບື້ອງຕົ້ນປະມານ 300 ລ້ານກວ່າກີບ.

LEAVE A REPLY

Please enter your comment!
Please enter your name here