34.7 C
Vientiane
ວັນເສົາ, ເດືອນພຶດສະພາ 8, 2021

ເມືອງເງິນ ທຳລາຍສິນຄ້າໝົດອາຍຸ ເຊື່ອມຄຸນ ສິນຄ້າປອມແປງ-ຮຽນແບບ ແລະ ສິນຄ້າເກືອດຫ້າມ

Array

ເມືອງເງິນ ແຂວງໄຊຍະບູລີ ຈັດພິທີທຳລາຍສິນຄ້າໝົດອາຍຸ ເຊື່ອມຄຸນ ສິນຄ້າປອມແປງ ແລະ ສິນຄ້າ ເກືອດຫ້າມ ຂຶ້ນໃນວັນທີ 9 ເມສາຜ່ານມາ ທີ່ຫ້ອງການອຸດສາຫະກໍາ ແລະ ການຄ້າເມືອງ, ເຂົ້າຮ່ວມ ເປັນກຽດມີ ທ່ານ ທະວີສັກ ໄຊຍະວົງ ຮອງເຈົ້າເມືອງໆເງິນ

ມີທ່ານ ຄອນສະຫວັນ ຟອງປະດິດ ຫົວໜ້າ ຫ້ອງການອຸດສາຫະກໍາ ແລະ ການຄ້າເມືອງ, ມີຄະນະກຳມະການຄຸ້ມຄອງ, ຕິດຕາມ, ກວດກາ, ສະກັດກັ້ນ ສິນຄ້າທີ່ລັດເກືອດຫ້າມ ແລະ ສິນຄ້າໝົດອາຍຸຂັ້ນເມືອງ ຕະຫຼອດຮອດວິຊາການຫ້ອງການອຸດສາຫະກຳ ແລະ ການຄ້າເຂົ້າຮ່ວມ.

ທ່ານ ແກ້ວ ພັນທະມິດ ຫົວໜ້າໜ່ວຍງານການຄ້າພາຍໃນ ໃຫ້ຮູ້ວ່າ: ຜ່ານການຈັດຕັ້ງປະຕິບັດກ່ຽວ ກັບວຽກງານກວດກາການຄ້າ ຂອງຄະນະກຳມະການຄຸ້ມຄອງ, ຕິດຕາມ, ກວດກາ, ສະກັດກັ້ນສິນຄ້າທີ່ລັດ ເກືອດຫ້າມ ແລະ ສິນຄ້າໝົດອາຍຸຂັ້ນເມືອງ ໄດ້ລົງກວດກາຕົວຈິງຢູ່ບັນດາຫົວໜ່ວຍທຸລະກິດ, ຕະຫຼາດ, ແລະ ບັນດາຫ້າງຮ້ານຕ່າງໆພາຍໃນເມືອງ, ໃນໄລຍະ 3 ເດືອນຕົ້ນປີ 2021 ໄດ້ 2 ຄັ້ງ, ໃນ 8 ບ້ານເທດ ສະບານພາຍໃນເມືອງໄດ້ທັງໝົດ 64 ຫົວໜ່ວຍ;

ໃນນີ້ມີຮ້ານຂາຍຍົກ-ຂາຍສົ່ງ 4 ຫົວໜ່ວຍ, ຂາຍ ຍ່ອຍທົ່ວໄປ 60 ຫົວໜ່ວຍ, ໄດ້ກວດພົບເຫັນສິນຄ້າບໍລິໂພກໝົດອາຍຸ- ເຊື່ອມຄຸນ, ສິນຄ້າປອມແປງ-ຮຽນແບບ ແລະ ສິນຄ້າເກືອດຫ້າມ, ສິນຄ້າຫ້າມນຳເຂົ້າ , ຫ້າມຈຳໜ່າຍ, ແລະ ເຄື່ອງຮັບສັນຍານໂທລະພາບ ລວມທັງໝົດ 22 ລາຍການ ລວມມູນຄ່າທັງໝົດ: 9.236.000
ກີບ, ໃນນີ້ປັບໃໝ ຈຳນວນ 5 ຫົວໜ່ວຍ ເປັນເງິນທັງໝົດ 5.480.000 ກີບ.

ດັ່ງນັ້ນ, ທາງເຈົ້າໜ້າທີ່ ຈຶ່ງນໍາເອົາສິນຄ້າດັ່ງກ່າວໄປຈູດທຳລາຍຖິ້ມຢູ່ສະຖານທີ່ຖິ້ມຂີ້ເຫຍື້ອຂອງເມືອງ ທັງນີ້ກໍເພື່ອເປັນການປົກປ້ອງຊີວິດ, ຊັບສິນຂອງຜູ້ຊົມໃຊ້ໃຫ້ໄດ້ນຳໃຊ້ສິນຄ້າ ທີ່ມີຄຸນນະພາບ ແລະ ໄດ້ຕາມ ມາດຕະຖານ.

ຂ່າວ-ພາບ: ອິນແປງ ແຫວນຄຳ

Latest news

- Advertisement -spot_img

Related news

- Advertisement -spot_img