ເຈົ້າຫນ້າທີ່ໄທ ຈັບກຸມສິ່ງເສບຕິດທີ່ລັກລອບຂົນຈາກລາວ ຈຳນວນກວ່າ 4 ລ້ານເມັດ

0
470

ເຈົ້າຫນ້າທີ່ມຸກດາຫານສົນທິກຳລັງຫນ່ວຍຄວາມຫມັ້ນຄົງໃນພື້ນທີ່ ຈັບກຸມຢາບ້າຈຳນວນ 4.000.000 ເມັດ ຢາເຄຕາມີນ 86 ກິໂລກຼາມ ຢາໄອຊ 14 ກິໂລກຼາມ ແລະກັນຊາ 100 ກິໂລກຼາມ ທີ່ແຄມຝັ່ງແມ່ນ້ຳຂອງເຊິ່ງລັກລອບຂົນມາຈາກຝັ່ງລາວມູນຄ່າກວ່າ 100 ລ້ານບາດ


ເມື່ອວັນທີ່ 23 ກໍລະກົດ 2019 ພາຍໃຕ້ການເປັນອຳນວຍການພົນຕຳຫຼວດເອກ ສິບປະນັນ ສັນຄຸນແກ້ວ ໄດ້ຮັບລາຍງານຈາກສາຍວ່າ ຈະມີການລຳລຽງຢາເສບຕິດເຂົ້າມາໃນພື້ນທີ່ບ້ານພາລຸກາ ຕຳບົນຊະໂດ ອຳເພີຫວ້ານໃຫ່ຍ ຈັງຫວັດມຸກດາຫານ ປະເທດໄທຈື່ງໄດ້ສັ່ງການໃຫ້ ເຈົ້າຫນ້າທີ່ມຸກດາຫານພ້ອມດ້ວຍເຈົ້າຫນ້າທີ່ປະຊຸມວາງແຜນແລ້ວລົງພື້ນທີ່ໄດ້ຮັບແຈ້ງດັ່ງກ່າວ


ຈົນກະທັ້ງທີ່ເກີດເຫດເປັນທ່າຊາຍ ພົບກຸ່ມຊາຍປະມານ 8-10 ຄົນ ແບກສິ່ງຂອງບາງຍ່າງຂື້ນມາຈາກເຮືອ ທີ່ຈອດຖ້າຢູ່ແຄມຝັ່ງແມ່ນ້ຳຂອງ ເຈົ້າຫນ້າທີ່ໄດ້ສະແດງໂຕເພື່ອຂໍກວດຄົ້ນ ກຸ່ມຊາຍດັ່ງກ່າວເຫັນເຈົ້າຫນ້າທີ່ໄດ້ແລ່ນເຂົ້າປ່າ ແລະຫາຍໄປກັບຄວາມມືດ ສ່ວນເຮືອຫາງຍາວໄດ້ແລ່ນອອກໄປທາງປະເທດລາວ


ເຈົ້າຫນ້າທີ່ເຂົ້າກວດສອບບໍລິເວນດັ່ງກ່າວພົບຖົງປຸຍ ແລະຖົງດຳເປັນຈຳນວນຫລາຍ ວາງກະຈັດກະຈາຍຢູ່ບໍລິເວນແຄມຝັ່ງແມ່ນ້ຳຂອງເຈົ້າຫນ້າທີ່ເຂົ້າກວດສອບຖົງປຸ່ຍ ແລະຖົງດຳທີ່ກຸ່ມຊາຍດັ່ງກ່າວແບກຂື້ນມາພົບເປັນຢາບ້າຈຳນວນ 4.000.000 ແມັດ ຢາເຄຕາທີນ 86 ກິໂລແມັດ ຢາໄອຊ 14 ກິໂລກຼາມ ແລະກັນຊາ 100 ກິໂລກຼາມ ເຈົ້າຫນ້າທີ່ໄດ້ກວດຢຶດຂອງກາງທັງຫມົດມາທີ່ກອງຮ້ອຍມຸກດາຫານເພື່ອກວດສອບ ແລະນັບອີກຄັ້ງ
ຈາກນັ້ນເຈົ້າຫນ້າທີ່ໄດ້ຍຶດຂອງກາງທັງຫມົດສົ່ງພະນັກງານສອບສວນ ສນ ຫວ້ານໃຫ່ຍ ເພື່ອດຳເນີນຄະດີຕາມກົດຫມາຍຕໍ່ໄປ

LEAVE A REPLY

Please enter your comment!
Please enter your name here