ສະຫລົດ! ພົບສົບຜູ້ສູນຫາຍ 2 ຄົນສຸດທ້າຍ ຈາກເຫດລົດຕົກນໍ້າຂອງ

0
149


ລາຍງານຈາກອາສາກູ້ໄພນະຄອນຫຼວງ 1624 ໃນວັນທີ 23 ກໍລະກົດ 2019 ວ່າ ພາຍຫຼັງເກີດເຫດລົດຂົນສົ່ງແຮງງານຂອງໂຄງການເຂື່ອນໄຟຟ້ານໍ້າຂອງໄຊຍະບູລີເກີດອຸບັດເຫດຕົກລົງນໍ້າຂອງ, ທີມອາສາກູ້ໄພ ນະຄອນຫຼວງວຽງຈັນ 1624 ໄດ້ສົ່ງທີມກູ້ໄພໄປດຳນໍ້າຄົ້ນຫາຜູ້ສູນຫາຍຈາກເຫດການດັ່ງກ່າວ ຈົນສາມາດພົບທັງ 4 ຄົນທີ່ສູນຫາຍ ເຊິ່ງເສຍຊີວິດທັງໝົດເມື່ອຕອນແລງຂອງວານນີ້ (23 ກໍລະກົດ).

ການຄົ້ນຫາຂອງທີມກູ້ໄພດັ່ງກ່າວເລີ່ມຂຶ້ນຕັ້ງແຕ່ຕອນຕອນເຊົ້າ ວັນທີ 23 ກໍລະກົດ 2019 ໂດຍການສົມທົບ ກັບອໍານາດການປົກຄອງ, ເຈົ້າໜ້າທີ່ ແລະ ພະນັກງານກ່ຽວຂ້ອງ ຂອງເຂື່ອນໄຊຍະບູລີ.

ໂດຍໃນຕອນຄໍ່າ ເວລາປະມານ 21:30 ໂມງ ທີມກູ້ໄພໄດ້ພົບສົບ 2 ສົບສຸດທ້າຍ ເຊິ່ງສົບຜູ້ຍິງຟູຂຶ້ນບໍລິເວນທີ່ລົດຕົກ ແລະ ອີກໜຶ່ງສົບ ພົບເວລາປະມານ 22:28 ໂມງ. ທາງອາສາກູ້ໄພ ຈິ່ງສົມທົບກັບ ເຈົ້າໜ້າທີ່ກ່ຽວຂ້ອງ ນໍາສົບທັງສອງ ຂຶ້ນຈາກນໍ້າ.

ເຫດການຄັ້ງນີ້ ມີຜູ້ເສຍຊີວິດທັງໝົດ 6 ຄົນ ປະກອບດ້ວຍ ຍິງ 3 ຄົນ ແລະ ຊາຍ 3 ຄົນ. ມີຜູ້ບາດເຈັບທັງໝົດ 24 ຄົນ ໂດຍທັງໝົດ ແມ່ນພະນັກງານທີ່ເຮັດວຽກ ຢູ່ ເຂື່ອນໄຟຟ້ານໍ້າຂອງ ໄຊຍະບູລີ.


ທັງນີ້ເຫດລົດຮັບ-ສົ່ງພະນັກງານຂອງໂຄງການເຂື່ອນໄຟຟ້ານໍ້າຂອງໄຊຍະບູລີ ຕົກລົງນໍ້າຂອງ ເກີດຂຶ້ນເມື່ອເວລາປະມານ 06:22 ໂມງ ໃນຕອນເຊົ້າຂອງວັນທີ 22 ກໍລະກົດ 2019 ເຮັດໃຫ້ມີຜູ້ເສຍຊີວິດ 2 ຄົນ, ສູນຫາຍ 4 ຄົນ ແລະ ບາດເຈັບ 24 ຄົນ.

ພັນໂທ ປ້ານ ບຸນປອນ ຮອງຫົວໜ້າຫ້ອງຕຳຫຼວດປ້ອງກັນຄວາມສະຫງົບ ແຂວງໄຊຍະບູລີ ໄດ້ໃຫ້ສຳພາດຕໍ່ນັກຂ່າວໜັງສືພິມ Vientiane Times ວ່າ: ລົດຮັບ-ສົ່ງພະນັກງານຂອງໂຄງການດັ່ງກ່າວໄດ້ຮັບພະນັກງານຈຳນວນ 30 ຄົນ ລວມຄົນຂັບລົດ 1 ຄົນ, ຈາກບ່ອນພັກໄປເຮັດວຽກຢູ່ເຂື່ອນຕາມປົກກະຕິ, ເມື່ອມາຮອດຈຸດເກີດເຫດທີ່ເປັນທາງໂຄ້ງ ລົດຄັນດັ່ງກ່າວໄດ້ເສຍຫຼັກ ແລ້ວຕົກລົງໄປນໍ້າຂອງ ເຊິ່ງມີຄວາມສູງ 7-8 ແມັດ ຖ້າວັດແທກຈາກໜ້ານໍ້າຂຶ້ນຫາເທິງຝັ່ງ.

ອີງຕາມການສືບສວນສອບສວນພົບວ່າ ສາເຫດອາດເກີດມາຈາກລະບົບຫ້າມລໍ້ລົດເຊິ່ງຜູ້ຂັບບໍ່ສາມາດຄວບຄຸມລົດໄດ້ ຈຶ່ງເກີດເຫດການດັ່ງກ່າວຂຶ້ນ.



LEAVE A REPLY

Please enter your comment!
Please enter your name here