29 C
Vientiane
ວັນສຸກ, ເດືອນເມສາ 16, 2021

ຮູ້ຈັກເບື້ອງຫຼັງ ແລະຕົວຕົນ Miss World Laos 2021 ຄົນໃໝ່

Array

ພອນວິໄລ ຫຼວງລາດ ຫຼື ຕຸ້ຍ ເປັນສາວງາມຈາກ ນະຄອນຫຼວງວຽງຈັນ ເປັນຜູ້ທີ່ກຳລັງໄດ້ຮັບຕຳແໜ່ງໃໝ່ໆໝາດໆມື້ວານນີ້ໆເອງໃຫ້ເປັນ  Miss World Laos 2021 ຄົນນີ້ແຟນໆນາງງາມສົ່ງແຮງໃຈເຊຍກັນຢ່າງລົ້ນຫຼາມນັບແຕ່ເຂົ້າປະກວດເປັນຕົ້ນມາ ແລະ ສາມາດເວົ້າວ່ານ້ອງມີແວວຈະເປັນເຈົ້າຂອງມົງກຸດຢູ່ແລ້ວ ສຸດທ້າຍກໍ່ຕ້ອງເປັນແບບນັ້ນ ມື້ນີ້ເຮົາມາຮູ້ຈັກຕົວຕົນຂອງນ້ອງໃຫ້ຫຼາຍຂຶ້ນ.

ພອນວິໄລ ເປັນແມ່ຍິງອີກໜຶ່ງຄົນທີ່ມີທັງຄວາມງາມ ແລະ ຄວາມສາມາດພຽບພ້ອມຫຼາຍ ເພາະທີ່ຜ່ານມານ້ອງໄດ້ເຄີຍຜ່ານການປະກວດມາແລ້ວເຖິງສອງເວທີມາແລ້ວ ແລະ ຍັງສາມາດຄວ້າຕໍາແໜ່ງມາໄດ້ທັງສອງເວທີເລີຍ ເຊິ່ງໃນ ເວທີທໍາອິດແມ່ນ ນາງສາວນະຄອນຫຼວງວຽງຈັນ ປີ 2016 ໄດ້ຕໍາແໜ່ງຮອງອັນດັບ3 ແລະ ນາງສາວລາວປີ 2016ໄດ້ຕໍາແໜ່ງຮອງອັນດັບ2 ວ້າວໆ ປານນັ້ນງານນີ້ຈະພາດໄດ້ແນວໃດບໍລະ!


ນ້ອງໄດ້ໃຫ້ສໍາພາດວ່າ: ສໍາລັບ ໃນເວທີນີ້ໄດ້ເຮັດໃຫ້ນ້ອງໄດ້ຮຽນຮູ້ຫຼາຍຢ່າງ ບໍ່ວ່າຈະເປັນການເຂົ້າສັງຄົມ, ຮຽນຮູ້ກິລິຍາມາລະຍາດ ຂອງແມ່ຍິງລາວ ແລະ ທີ່ສໍາຄັນເວທີນີ້ໄດ້ເຮັດໃຫ້ນ້ອງໄດ້ມິດຕະພາບດີໆຈາກທຸກຄົນ ທັງຜູ້ເຂົ້າປະກວດ ແລະ ເອື້ອຍອ້າຍທີມງານຂອງກອງປະກວດທຸກຄົນ

ທີ່ສໍາຄັນ ນ້ອງຕ້ອງຂໍຂອບໃຈທາງຄະນະກໍາມະການ ແລະ ຜູ້ໃຫຍ່ເພິ່ນໃຫ້ໂອກາດແລ້ວ ຈາກນີ້ໄປນ້ອງຈະເຮັດໃຫ້ດີທີ່ສຸດ ຈະພັດທະນາຕົນເອງໃນທຸກໆດ້ານ ເຊັ່ນ ບຸກຄະລິກກະພາບ, ການຍ່າງ ການເວົ້າ ແລະ ສິ່ງທີ່ນ້ອງຢາກຈະສະແດງອອກສູ່ສາຍຕາທຸກຄົນແມ່ນວັດທະນະທໍາ, ອາຫານການກິນເພາະສິ່ງເຫຼົ່ານີ້ ແມ່ນມົນສະເໜ່ຂອງຄວາມເປັນລາວ.

ເອົາເປັນວ່າຄົນນີ້ມາແຮງອີຫຼີ ນັບແຕ່ກອງປະກວດເອົາຂຶ້ນປົກແມ່ນສຽງເຊຍດັງສະນັ່ນ ຢາກວ່າ 90% ແມ່ນເຊຍ ຊົມເຊີຍ ແລະສະແດງຄວາມເພິ່ງພໍໃຈ ເພາະຄົນນີ້ເໝາະກັບມົງຫຼາຍທີ່ສຸດຢູ່ແລ້ວ ອ້າວໆໆ ແອັດກະເຊຍຄືກັນເດີ້

ຕ້ອງຕິດຕາມຄອຍໃຫ້ກຳລັງໃຈນ້ອງຕໍ່ຈາກນີ້ໄປພາລະໜ້າທີ່ຈະໜັກໜ່ວງຂຶ້ນກວ່າເກົ່າ ຫຼາຍຄົນທີ່ຜ່ານເວທີມາແລ້ວຈະເຂົ້າໃຈວ່າ ການໄປຄວ້າມົງແມ່ນເລື່ອງຍາກ ແຕ່ໄດ້ມາແລ້ວຈະຮັກສາ ແລະເສີມຂະຫຍາຍຈຸດທີ່ຢືນຢູ່ໃຫ້ສະເໝີຕົ້ນສະເໝີປາຍມັນຍາກຍິ່ງກວ່າອີກ.

Latest news

- Advertisement -spot_img

Related news

- Advertisement -spot_img