29 C
Vientiane
ວັນສຸກ, ເດືອນເມສາ 16, 2021

ຊົມເຊີຍ “ຜົນສຳເລັດການມອບຮັບຕຳແໜ່ງ ເລຂາຄະນະພັກ ແລະ ການນຳຂັ້ນສູງຂອງຂະແໜງການກົງຈັກການປົກຄອງ

Array

ຊົມເຊີຍ “ຜົນສຳເລັດການມອບຮັບຕຳແໜ່ງ ເລຂາຄະນະພັກ ແລະ ການນຳຂັ້ນສູງຂອງບັນດາຂະແໜງການກົງຈັກການປົກຄອງຂອງ ສປປລາວ (ພາຍຫຼັງສະພາແຫ່ງຊາດ ຮັບຮອງຢ່າງເປັນທາງການ)” ແລະ ຂໍ່ານັບຮັບຕ້ອນ “ກອງປະຊຸມຄັ້ງປະຖົມມະລຶກຄະນະລັດຖະບານຊຸດໃໝ່ແຫ່ງ ສປປລາວ ພາຍໄຕ້ການເປັນປະທານ ນາຍົກລັດຖະມົນຕີ ພັນຄຳ ວິພາວັນ ໃນວັນທີ 08 ເມສາ 2021.”

1. ວັນນີ້ 24 ມີນາ 2021, ກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ຈັດພິທີມອບ-ຮັບໜ້າທີ່ເລຂາຄະນະພັກ, ລັດຖະມົນຕີກະຊວງ ລະຫວ່າງທ່ານ ຄຳແພງ ໄຊສົມແພງ ກຳມະການສູນກາງພັກ (ຜູ້ເກົ່າ) ແລະ ທ່ານນາງ ໃບຄຳ ຂັດຕິຍະ ກຳມະການສູນກາງພັກ (ຜູ້ໃໝ່).

2. ວັນທີ 25 ມີນາ 2021, ກະຊວງອຸດສາຫະກຳ ແລະ ການຄ້າ ຈັດພິທີມອບຮັບໜ້າທີ່ເລຂາບໍລິຫານງານຄະນະພັກກະຊວງ ແລະ ລັດຖະມົນຕີກະຊວງອຸດສາຫະກຳ ແລະ ການຄ້າ (ອກ) ລະຫວ່າງທ່ານນາງ ເຂັມມະນີ ພົນເສນາ (ຜູ້ເກົ່າ) ແລະ ທ່ານ ຄຳແພງ ໄຊສົມແພງ (ຜູ້ໃໝ່) ພາຍໄຕ້ການໃຫ້ກຽດເປັນປະທານໂດຍ ທ່ານ ບຸນທອງ ຈິດມະນີ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດ.

3. ວັນທີ 25 ມີນາ 2021, ສຳນັກງານປະທານປະເທດແຫ່ງ ສປປລາວ ໄດ້ມີພິທີມອບຮັບຕຳແໜ່ງ ຫົວໜ້າຫ້ອງວ່າການປະທານປະເທດລະຫວ່າງ ທ່ານ ຄຳເມິງ ພົງພະດີ (ຜູ້ເກົ່າ) ແລະ ທ່ານ ນາງ ເຂັມມະນີ ພົນເສນາ (ຜູ້ໃໝ່), ພາຍໄຕ້ການໃຫ້ກຽດເປັນປະທານໂດຍທ່ານ ນາງ ສີໃສ ລືເດດມູນສອນ ກຳມະການກົມການເມືອງສູນກາງພັກ ຫົວໜ້າຄະນະຈັດຕັ້ງສູນກາງພັກ.

4. ວັນທີ 29 ມີນາ 2021, ໄດ້ມີພິທີມອບ-ຮັບ ຕຳແໜ່ງລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ) ລະຫວ່າງທ່ານ ບຸນຈັນ ສິນທະວົງ (ຜູ້ເກົ່າ) ແລະ ທ່ານ ວຽງສະຫວັດ ສີພັນດອນ (ຜູ້ໃໝ່), ເຊີ່ງໄດ້ເຂົ້າຮ່ວມເປັນປະທານຂອງທ່ານ ກິແກ້ວ ໄຂຄຳພິທູນ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ.

5. ວັນທີ 29 ມີນາ 2021, ໄດ້ມີພິທີມອບຮັບໜ້າທີ່ ລັດຖະມົນຕີກະຊວງຍຸຕິທໍາ ລະຫວ່າງທ່ານ ໄຊສີ ສັນຕິວົງ ລັດຖະມົນຕີ (ຜູ້ເກົ່າ) ແລະ ທ່ານ ໄພວີ ສີບົວລິພາ ກຳມະການສູນກາງພັກ ເລຂາຄະນະບໍລິຫານງານພັກກະຊວງ (ຜູ້ໃໝ່), ເຊີ່ງໃຫ້ກຽດເຂົ້າຮ່ວມຂອງ ທ່ານ ນາງ ປານີ ຢາທໍ່ຕູ້ ກໍາມະການກົມການເມືອງສູນກາງພັກ ຮອງປະທານປະເທດແຫ່ງ ສປປ ລາວ.

6. ວັນທີ 01 ເມສາ 2021, ໄດ້ມີພິທີມອບ ແລະ ຮັບໜ້າທີ່ ລັດຖະມົນກະຊວງສຶກສາທິການ ແລະ ກິລາ ລະຫວ່າງ ທ່ານນາງ ແສງເດືອນ ຫລ້າຈັນທະບູນ (ຜູ້ເກົ່າ) ແລະ ທ່ານ ພຸດ ສິມມາລາວົງ ກໍາມະການສູນກາງພັກ ເລຂາຄະນະພັກກະຊວງ (ຜູ້ໃໝ່), ໂດຍການເຂົ້າຮ່ວມຂອງ ທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ.

7. ວັນທີ 01 ເມສາ 2021, ໄດ້ມີພິທີມອບ ແລະ ຮັບໜ້າທີ່ລັດຖະມົນຕີກະຊວງສາທາລະນະສຸກ ລະຫວ່າງທ່ານ ດຣ ບຸນກອງ ສີຫາວົງ (ຜູ້ເກົ່າ) ແລະ ທ່ານ ປອ. ດຣ. ບຸນແຝງ ພູມມະໄລສິດ ກຳມະການສູນກາງພັກ ເລຂາຄະນະພັກກະຊວງ (ຜູ້ໃໝ່), ໂດຍການເຂົ້າຮ່ວມຂອງທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ.

8. ວັນທີ 02 ເມສາ 2021, ໄດ້ມີພິທີມອບ ແລະ ຮັບໜ້າທີ່ລັດຖະມົນຕີກະຊວງ​ ພະລັງງານ​ ແລະ​ ບໍ່ແຮ່​ ລະຫວ່າງ​ ສະຫາຍ​ ປອ​ ຄຳມະນີ​ ອິນທິລາດ​ (ຜູ້ເກົ່າ) ແລະ​ ສະຫາຍ​ ປອ​ ດາວວົງ​ ພອນແກ້ວ​ ກຳມະການສູນກາງພັກ ເລຂາຄະນະພັກກະຊວງ (ຜູ້ໃໝ່), ໂດຍໃຫ້ກຽດເຂົ້າຮ່ວມຂອງ ສະຫາຍ​ ປອ​ ສອນໄຊ​ ສີພັນດອນ​ ກຳມະການກົມການເມືອງສູນກາງພັກ,​ ຮອງນາຍົກລັດຖະມົນຕີ,​ ລັດຖະມົນຕີກະຊວງ​ ແຜນການ​ ແລະ​ ການລົງທຶນ.

9. ວັນທີ 02 ເມສາ 2021, ໄດ້ມີພິທີມອບ ແລະ ຮັບໜ້າທີ່ລະຫວ່າງຄະນະປະຈໍາສະພາແຫ່ງຊາດ ຊຸດທີ VIII ແລະ ຊຸດທີ IX, ລະຫວ່າງ ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ ຊຸດທີ VIII ແລະ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດຊຸດທີ IX.

10. ວັນທີ 02 ເມສາ 2021, ໄດ້ມີພິທີມອບ ແລະ ຮັບໜ້າທີ່ລັດຖະມົນຕີກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ (ກຊສ) ລະຫວ່າງທ່ານ ສົມມາດ ພົນເສນາ (ຜູ້ເກົ່າ) ແລະ ທ່ານນາງ ບຸນຄໍາ ວໍລະຈິດ ກໍາມະການສູນກາງພັກ ເລຂາຄະນະພັກກະຊວງ (ຜູ້ໃໝ່), ໂດຍໃຫ້ກຽດເຂົ້າຮ່ວມຂອງທ່ານ ສອນໄຊ ສີພັນດອນ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ.

11. ວັນທີ 05 ເມສາ 2021, ໄດ້ມີພິທີມອບ ແລະ ຮັບໜ້າທີ່ຫົວໜ້າຄະນະພົວພັນຕ່າງປະເທດສູນກາງພັກ ລະຫວ່າງທ່ານ ນາງ ສູນທອນ ໄຊຍະຈັກ (ຜູ້ເກົ່າ) ແລະ ທ່ານ ທອງສະຫວັນ ພົມວິຫານ (ຜູ້ໃໝ່), ເຊີ່ງທ່ານ ຄຳພັນ ພົມມະທັດ ກຳມະການກົມການເມືອງສູນກາງພັກ ປະທານຄະນະກວດກາສູນກາງພັກ ໃຫ້ກຽດປະທານ.

12. ວັນທີ 06 ເມສາ 2021, ໄດ້ມີພິທີມອບ ແລະ ຮັບໜ້າທີ່ ເລຂາຄະນະພັກ ລັດຖະມົນຕີກະຊວງເຕັກໂນໂລຊີ ແລະ ການສື່ສານ ລະຫວ່າງທ່ານ ທັນສະໄໝ ກົມມະສິດ (ຜູ້ເກົ່າ) ແລະ ທ່ານ ບັນດິດ ສຈ ບໍວຽງຄຳ ວົງດາລາ ກໍາມະການສູນກາງພັກ ເລຂາຄະນະພັກກະຊວງ (ຜູ້ໃໝ່), ໂດຍໃຫ້ກຽດເຂົ້າຮ່ວມຂອງທ່ານ ບຸນທອງ ຈິດມະນີ ກໍາມະການກົມການເມືອງສູນກາງພັກ ຮອງປະທານປະເທດແຫ່ງ ສປປລາວ.

13. ວັນທີ 06 ເມສາ 2021, ໄດ້ມີພິທີມອບ ແລະ ຮັບຕຳແໜ່ງລັດຖະມົນຕີ ກະຊວງການເງິນ ລະຫວ່າງທ່ານ ສົມດີ ດວງດີ (ຜູ້ເກົ່າ) ແລະ ທ່ານ ບຸນໂຈມ ອຸບົນປະເສີດ ກຳມະການສູນກາງພັກ ແລະ ເລຂາຄະນະພັກກະຊວງ (ຜູ້ໃໝ່) ໂດຍການເຂົ້າຮ່ວມຂອງ ທ່ານ ພັນຄຳ ວິພາວັນ ນາຍົກລັດຖະມົນຕີແຫ່ງ ສປປລາວ.

14. ວັນທີ 07 ເມສາ 2021, ໄດ້ມີພິທີມອບ ແລະ ຮັບໜ້າທີ່ເລຂາຄະນະພັກ ແລະ ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ(ຖວທ) ລະຫວ່າງທ່ານ ກິແກ້ວ ໄຂຄຳພິທູນ (ຜູ້ເກົ່າ) ແລະ ທ່ານນາງ ສວນສະຫວັນ ວິຍະເກດ ກຳມະການສູນກາງພັກ (ຜູ້ໃໝ່), ໂດຍເປັນກຽດເຂົ້າຮ່ວມຂອງທ່ານ ພັນຄຳ ວິພາວັນ ກຳມະການກົມການເມືອງສູນກາງພັກ ນາຍົກລັດຖະມົນຕີແຫ່ງ ສປປລາວ.

.

.

.

.

ທີ່ມາ:Sourioudong Sundara

Latest news

- Advertisement -spot_img

Related news

- Advertisement -spot_img