ຄາດວ່າ ທົ່ວປະເທດລາວ ມີຜູ້ຄວາມສ່ຽງຕິດຢາເສບຕິດ 60 ພັນກວ່າຄົນ

0
251


ກອງປະຊຸມຄະນະກຳມະການແຫ່ງຊາດ ເພື່ອກວດກາ ແລະ ຄວບຄຸມຢາເສບຕິດ ໄດ້ເປີດເຜີຍວ່າ: ປັດຈຸບັນ, ໃນຂອບເຂດທົ່ວປະເທດ ມີຜູ້ທີ່ມີຄວາມສ່ຽງຕິດຢາເສບຕິດ 60.000 ກວ່າຄົນ ຫຼາຍກວ່າໝູ່ແມ່ນຢາບ້າ ກວມ 50.000 ກວ່າຄົນ ແລະ ຢາຝິ່ນຈໍານວນໜຶ່ງ.ກອງປະຊຸມດັ່ງກ່າວ, ໄດ້ຈັດຂຶ້ນ ໃນວັນທີ 23 ກໍລະກົດ 2019, ທີ່ໂຮງແຮມຄຣາວພຣາຊາ ນະຄອນຫຼວງວຽງ ຈັນ ເພື່ອທວນຄືນ ໃນການຈັດຕັ້ງປະຕິບັດໜ້າທີ່ ໃນໄລຍະ 3 ປີ ( 2016 – 2018 ), ໂດຍການເຂົ້າຮ່ວມຂອງ ພົຕ ປອ ສົມຫວັງ ທຳມະສິດ ຮອງລັດຖະມົນຕີ ທັງເປັນຫົວໜ້າຄະນະ ຊີ້ນຳວຽກງານກວດກາ ແລະ ຄວບຄຸມ ຢາເສບຕິດ ກະຊວງ ປກສ, ມີຄະນະກົມອ້ອມຂ້າງກະຊວງ ປກສ, ມີຜູ້ຕາງໜ້າບັນດາກະຊວງທີ່ກ່ຽວຂ້ອງເຂົ້າ ຮ່ວມ.

ໃນກອງປະຊຸມ, ພັອ ອ່ອນຜິວ ໂຄ້ງວຽງທອງ ຫົວໜ້າຫ້ອງການກວດກາ ແລະ ຄວບຄຸມຢາເສບຕິດ ກົມໃຫຍ່ຕຳຫຼວດ ກະຊວງ ປກສ ໄດ້ບົດສະຫຼຸບໃນໄລຍະ 3 ປີ ( 2016 – 2018 ) ວ່າ:ເພື່ອສືບຕໍ່ຈັດຕັ້ງຜັນຂະຫຍາຍແຜນແມ່ບົດສະບັບ ( ສະບັບ 2009 – 2015 ) ປະກອບມີ 9 ແຜນງານ ຄື:ສ້າງ ແລະ ປັບປຸງນິຕິກຳ ທີ່ມີສ່ວນພົວພັນກັບບັນຫາຢາເສບຕິດ;ເກັບກຳ ແລະ ວິໄຈຂໍ້ມູນຂ່າວສານ;ສຶກສາອົບຮົມ ແລະ ໂຄສະນາເຜີຍແຜ່ລະບຽບກົດໝາຍ ແລະ ຜົນຮ້າຍຂອງຢາເສບຕິດ;ປິ່ນປົວ ແລະ ຝຶກວິຊາຊີບ ໃຫ້ຜູ້ຕິດຢາເສບຕິດ;ພັດທະນາທາງເລືອກ ເພື່ອທົດແທນການລັກປູກຝິ່ນ – ປູກກັນຊາ;

ປະຕິບັດມາດຕະການ ທາງກົດໝາຍ;ຄວບຄຸມສານເຄ ມີຕົ້ນ, ການວິໄຈ ແລະ ກວດສອບ ການຊົມໃຊ້ຢາເສບຕິດ;ຮ່ວມມືກັບສາກົນ;ປັບປຸງກົງຈັກການຈັດຕັ້ງ ຄະນະກຳມະການກວດກາ ແລະ ຄວບຄຸມຢາເສບຕິດ ຂັ້ນສູນກາງ ແລະ ທ້ອງຖິ່ນ.ຈາກການສຳຫຼວດພື້ນທີ່ປູກຝິ່ນ ໃນແຕ່ລະປີ ຄື:ປີ 2016 ມີ 5.395 ເຮັກຕາປີ 2017 ມີ 5.328 ເຮັກຕາປີ 2018 ມີ 4.925 ເຮັກຕາ ລວມມີ: 15.648 ເຮັກຕາ.

ປັດຈຸບັນ, ພົບຜູ້ມີຄວາມສ່ຽງຕິດຢາເສບຕິດ ທົ່ວປະເທດ ມີປະມານ 65.932 ຄົນ;ໃນນີ້,

ຕິດຢາບ້າ 54.440 ຄົນ,

ຕິດຢາຝິ່ນ 10.636 ຄົນ.

ນອກນີ້, ໃນໄລຍະ 3 ປີຜ່ານມາ ເຈົ້າໜ້າທີ່ຕໍາຫຼວດທັງສູນກາງ ແລະ ທ້ອງຖິ່ນສາມາດມ້າງຄະດີ ຢາເສບຕິດ ໄດ້ທັງໝົດ 9.436 ເລື່ອງ, ຈັບຜູ້ຖືກຫາ ໄດ້ 13.912 ຄົນ

ຍິງ 1.815 ຄົນ,

ຄົນຕ່າງປະເທດ 261 ຄົນ

ຍິງ 31 ຄົນ

ຢຶດຢາບ້າ ໄດ້ 37.306.356 ເມັດ ເທົ່າກັບ 3.730,63 ກິໂລກຼາມ ຄື:

ເຮໂຣອິນ 735,22 ກິໂລກຼາມ

ຢາໄອສ໌ 2.098.36 ກິໂລກຼາມ

ຄັນຊາ 6.223,31 ກິໂລກຼາມ

ຢາຝິ່ນ 492,80 ກິໂລກຼາມ

ໂຄເຄນ 8,3 ກິໂລກຼາມຄາ

ເຟອີນ 1.888,5 ກິໂລກຼາມ

ແກ່ນຝິ່ນ 218,2 ກິໂລກຼາມ

ຢາຄ້າຍເຮໂຣ ອິນ 1,328 ກິໂລກຼາມ

ຜົງຂາວ 10.29 ກິໂລກຼາມ

ແປ້ງຝຸ່ນ 10. 050,89 ກິໂລກຼາມ

ລົດໃຫຍ່ 344 ຄັນ

ລົດຈັກ 1.335 ຄັນ

ເຮືອ 2 ລຳ

ສຳລັບເສັ້ນທາງ ທີ່ມີຄວາມສຽງຕໍ່ການລັກລອບ ຂົນສົ່ງຢາເສບຕິດ ມີ 4 ເສັ້ນທາງ ເຊັ່ນ: ແຂວງບໍ່ແກ້ວ – ຫຼວງນໍ້າທາ – ອຸດົມໄຊ – ຜົ້ງສາລີ ເຂົ້າສູ່ປະເທດຈີນ ແລະ ຫວຽດນາມ ເປັນຕົ້ນ.ໂອກາດນີ້, ພົຕ ປອ ສົມຫວັງ ທຳມະສິດ ຊີ້ນໍາໃຫ້ຄະນະຮັບຜິດຊອບ ແຕ່ລະຂັ້ນສືບຕໍ່ປະຕິບັດວຽກງານຕາມແຜນແມ່ບົດແຫ່ງຊາດ,

9 ແຜນງານໃຫ້ສຳເລັດ ແລະ ທຸກພາກສ່ວນຕ້ອງການຮ່ວມ ແລະ ປະກອບເຂົ້າໃນວຽກງານຕ້ານ ແລະ ສະກັດກັ້ນຢາເສບຕິດຢ່າງແທ້ຈິງ ເຮັດໃຫ້ມີຄວາມເຂັ້ມແຂງຂຶ້ນກວ່າເກົ່າ, ເປັນທຳ ແລະ ປະຕິບັດກົດໝາຍຢ່າງເຂັ້ມງວດ.ເຜີຍແຜ່ລະບຽບກົດໝາຍ ແລະ ຜົນຮ້າຍຂອງຢາເສບຕິດ; ປິ່ນປົວ ແລະ ຝຶກວິຊາຊີບ ໃຫ້ຜູ້ຕິດຢາເສບຕິດ; ພັດທະນາທາງເລືອກທົດແທນການລັກປູກຝິ່ນ – ປູກຄັນຊາ ຕາມແນວທາງນະໂຍບາຍພັກ.

ນັກຂ່າວ: ປກສ (ຕິກແກ້ວ)



LEAVE A REPLY

Please enter your comment!
Please enter your name here