ລົງພົບປະໂອ້ລົມນາຍ ແລະ ພົນທະຫານທີ່ຢູ່ບັນດາປ້ອມຈັ່ງທ່າ ເຂດພູສູງຕ່າງໆເຂດທຸລະກັນດານ

0
180


ໃນລະຫວ່າງວັນທີ 18-19 ກໍລະກົດ 2019 ນີ້, ສະຫາຍ ພົນຈັດຕະວາ ສາຍໃຈ ກົມມະສິດ ຫົວໜ້າການທະຫານ ກອງພົນທີ1 ໄດ້ເຄື່ອນໄຫວຢ້ຽມຢາມພົບປະໂອ້ລົມພະນັກງານ-ນັກຮົບທີ່ປະຕິບັດໜ້າທີ່ຢູ່ບັນດາປ້ອມຈັ່ງທ່າ ເຂດພູສູງຕ່າງໆເຂດທຸລະກັນດານ; ຫ່າງໄຫສອກຫຼີກຂອບເຂດ ທີ່ກອງພົນທີ1 ຮັບຜິດຊອບ.

ໂອກາດນີ້ ສະຫາຍ ພົນຈັດຕະວາ ສາຍໃຈ ກົມມະສິດ ກໍໄດ້ຮັບຟັງການລາຍງານຫຍໍ້ ກ່ຽວກັບສະພາບການເຄື່ອນ ໄຫວ ວຽກງານປ້ອງກັນຊາດ – ປ້ອງກັນຄວາມສະຫງົບຂອງຜູ້ບັນຊາແຕ່ລະປ້ອມ. ເຊິ່ງມີທັງສິ່ງ ເອື້ອອໍານວຍ ແລະ ສິ່ງທ້າທາຍ ຫຼາຍຢ່າງທີ່ຈະຕ້ອງໄດ້ບຸກບືນ ຜ່ານ ຜ່າໃຫ້ມີຜົນສໍາເລັດ. ຈາກນັ້ນ ສະຫາຍກໍໄດ້ກ່າວຍ້ອງຍໍຊົມ ເຊີຍຕໍ່ຜົນງານອັນໂດດເດັ່ນໃນ ການຈັດຕັ້ງປະຕິບັດໜ້າທີ່ໃນການເຄື່ອນໄຫວກວດກາສາລະເວ; ປ້ອງກັນ ແລະ ທັບມ້າງກຸ່ມຄົນບໍ່ຫວັງດີຢູ່ພູຜາປ່າດົງເຂດຫຍຸ້ງ ຍາກ, ທຸລະການດານດ້ວຍຄວາມ ບຸກບືນ; ຈູບຈ້າວຫ້າວຫັ້ນ; ທໍລະຫົດອົດທົນ; ຜ່ານຜ່າຄວາມຫຍຸ້ງຍາກຫຼາຍປະການ ເພື່ອອໍານາດ ອະທິປະໄຕ ແລະ ຜືນແຜ່ນດິນອັນ ຄົບຖ້ວນຂອງປະເທດຊາດ ແລະ ຄວາມຢູ່ເຢັນເປັນສຸກຂອງພໍ່ແມ່ນ ປະຊາຊົນບັນດາເຜົ່າເຮັດໃຫ້ຂອບ ເຂດດັ່ງກ່າວມີຄວາມສະຫງົບ ໂດຍພື້ນຖານ.

ຈາກຜົນງານ ແລະ ໄຊຊະນະດັ່ງກ່າວນັ້ນ ເພື່ອຕອບ ສະໜອງກັບຄວາມຮຽກຮ້ອງ ຕ້ອງການຂອງໜ້າທີ່ການເມືອງ ໃນປັດຈຸບັນສະຫາຍກໍໄດ້ຍົກໃຫ້ ເຫັນໃນຫຼາຍບັນຫາທີ່ສໍາຄັນ ແລະ ກ່າວຊີ້ນໍາໃຫ້ບັນດາສະຫາຍນາຍ ແລະ ພົນທະຫານທີ່ເຮັດໜ້າທີ່ ປ້ອງກັນຊາດ-ປ້ອງກັນຄວາມສະຫງົບ ຢູ່ເຂດຫຼໍ່ແຫຼມຈຸດສໍາຄັນຈົ່ງ ພ້ອມກັນສືບຕໍ່ຮັກສາມູນເຊື້ອອັນ ສະຫງ່າງາມຂອງກອງທັບ, ຂອງ ກົມກອງກໍຄືບຸກຄົນທີ່ໄດ້ສູ້ຊົນເສຍ ສະລະເລືອດເນື້ອ; ເຫື່ອໄຄເພື່ອພາລະກິດປະຕິວັດ, ເພື່ອບ້ານເກີດ ເມືອງນອນ ແລະ ໄດ້ປະສົບຜົນສໍາ ເລັດຫຼາຍດ້ານໃນໄລຍະຜ່ານມາ. ພວກເຮົາຕ້ອງໄດ້ອອກແຮງພ້ອມ ກັນຍົກສູງຄວາມຮັບຜິດຊອບຕໍ່ ໜ້າທີ່ການເມືອງຂອງຕົນ, ເພີ່ມ ທະວີບົດບາດຄວາມເປັນເຈົ້າການ ເຕົ້າໂຮມຄວາມສາມັກຄີພາຍໃນ ໃຫ້ເປັນປຶກແຜ່ນ, ມີແບບແຜນ ດໍາເນີນຊີວິດ ແລະ ແບບແຜນວິທີ ເຮັດວຽກຢ່າງຮັດກຸມ; ລະອຽດ ຈະແຈ້ງ, ມີແນວຄິດການເມືອງ ໜັກແໜ້ນ, ເຊື່ອໝັ້ນຕໍ່ແນວທາງ ນະໂຍບາຍຂອງພັກ-ລັດ ແລະ ການຈັດຕັ້ງຂັ້ນເທິງ, ຕັ້ງໜ້າປະຕິ ບັດຂໍ້ກໍານົດກົດລະບຽບ ແລະ ວິ ໄນຂອງກອງທັບ; ຂອງກົມກອງ ຢ່າງເຂັ້ມງວດ, ມີສະຕິລະວັງຕົວ ຢູ່ສະໝໍ່າສະເໝີ, ເພື່ອພ້ອມກັນ ເຮັດສໍາເລັດໜ້າທີ່ສໍາຄັນດັ່ງກ່າວໃຫ້ມີຜົນສໍາເລັດ.


ໂອກາດເຄື່ອນໄຫວຢ້ຽມຢາມ ສະຫາຍກໍໄດ້ນໍາເອົາເຄື່ອງຕ້ອນ ຂອງຝາກຈາກນໍ້າໃຈຂອງຄອບຄົວການນໍາກົມໃຫຍ່ເສນາທິການກອງທັບເຊັ່ນ: ເຄື່ອງນຸ່ງ, ຜ້າຫົ່ມ, ໝອນ, ສະບູ່, ໄມ້ຖູແຂ້ວ ແລະ ຢາ

ໂດຍ: ໂກຮັງ ພັນທະວົງ



LEAVE A REPLY

Please enter your comment!
Please enter your name here