ໃຫ້ລະວັງ! ພະຍາດອະຫິວາໝູອາຟຣິກາກຳລັງລະບາດຫລາຍ ຢູ່ບ້ານປາກເຫືອງ ເມືອງບໍລິຄັນ ແຂວງບໍລິຄຳໄຊ

0
182



ຕໍ່ສະພາບການດັ່ງກ່າວ ທາງຂະແໜງການກ່ຽວຂ້ອງ ແລະ ໜ່ວຍສະເພາະກິດປະຈຳພາກສະໜາມ ຢູ່ບ້ານປາກເຫືອງ ໄດ້ມີມາດຕະການຫ້າມບໍລິໂພກ ແລະ ເຄື່ອນຍ້າຍໝູ ອອກຈາກພື້ນທີ ແລະ ນຳເຂົ້າຈາກບ່ອນອື່ນ.

ຕາມຜົນການວິໃຈ 2 ຕົວຢ່າງ ຂອງໝູປະຊາຊົນບ້ານປາກເຫືອງ ເມືອງບໍລິຄັນ ແຂວງລິຄຳໄຊ ໄປທຳການວິໄຈ ຢູ່ສູນວິໃຈພະຍາດສັດ ກະຊວງກະສິກຳ ແລະ ປ່າໄມ້ ໄດ້ແຈ້ງໃຫ້ ພະແນກກະສິກຳ ແລະ ປ່າໄມ້ ແຂວງບໍລິຄຳໄຊ ໃນຄັ້ງວັນທີ 16 ກໍລະກົດ 2019 ຊາບວ່າ: ຜ່ານການວິໄຈ 2 ຕົວຢ່າງຂອງໝູດັ່ງກ່າວ “ແມ່ນພົບກັບເຊື້ອພະຍາດອະຫິວາໝູອາຟຣິກກາແທ້ຈີງ’’ ເຊີ່ງພະຍາດດັ່ງກ່າວເປັນພະຍາດທີ່ຮ້າຍແຮງ ມັນສາມາດຕິດຕໍ່ໄດ້ທັງໝູບ້ານແລະ ໝູປ່າ ທຸກເກນອາຍຸ ເປັນພະຍາດທີ່ມີຄວາມທົນທານຕໍ່ສະພາບແວດລ້ອມ, ບໍ່ມີຢາວັກຊີນທີ່ຈະກັນໄດ້, ບໍ່ມີຢາປີ່ນປົວໂດຍກົງ, ສັດທີຕິດພະຍາດນີ້ອາດຈະຕາຍເຖີງ 100% ແຕ່ມັນບໍ່ສາມາດຕິດໃສ່ຄົນ ດັ່ງນັ້ນ, ເຈົ້າເມືອງບໍລິຄັນຈື່ງໄດ້ແຕ່ງຕັ້ງຄະນະກຳມະການສະເພາະກິດ ເພື່ອເຝົ້າລະວັງຕໍ່ພະຍາດລະບາດອະຫິວາໝູອາຟຣິກກາຂື້ນໂດຍດ່ວນ ແລະ ແຕ່ງຕັ້ງວິຊາການລົງພາກສະໜາມ ເພື່ອສະກັດກັ້ນການແພ່ລະບາດ ພ້ອມທັງທຳລາຍສັດທີ່ຕິດເຊື້ອພະຍາດນີ້ຖີ້ມ ລີກເວັ້ນການແພ່ລາມໄປສູ່ຂົງເຂດອື່ນ.


ທ່ານ ແສງສະໄໝ ພະໄຊວໍລະວົງ ຮອງຫົວໜ້າຫ້ອງການກະສິກຳ ແລະ ປ່າໄມ້ ເມືອງບໍລິຄັນ ທັງເປັນຫົວໜ້າຄະນະວິຊາການປະຈຳພາກສະໜາມ ບ້ານປາກເຫືອງ ໄດ້ລາຍງານໃຫ້ຮູ້ວ່າ: ພາຍຫຼັງໄດ້ຮັບຜົນການວິໄຈ ຈາກສູນວິໄຈພະຍາດສັດ, ໃນວັນທີ 18 ກໍລະກົດ 2019 ທາງທີມງານພວກເຮົາກໍ່ໄດ້ລົງສົມທົບກັບອຳນາດການປົກຄອງບ້ານ ເພື່ອຈັດຕັ້ງປະຕິບັດຂ້າທຳລາຍໝູທີ່ຕິດເຊື້ອພະຍາດ ແລະ ປິດການຈໍລະຈອນບຸກຄົນທີ່ມີການເຄື່ອນຍ້າຍໝູເຂດດັ່ງກ່າວອອກໄປສູ່ເຂດອື່ນ.


ທ່ານ ແສງສະໄໝ ພະໄຊວໍລະວົງ ໄດ້ໃຫ້ຮູ້ຕື່ມອີກວ່າ: ຕາມສະຖິຕິຕົວຈິງຢູ່ບ້ານປາກເຫືອງ ເມືອງບໍລິຄັນ ມີໝູທັງໝົດ 201 ໂຕ, ມີໝູທີ່ຕິດເຊື້ອແລ້ວຕາຍ 55 ໂຕ, ໃນໄລຍະວັນທີ 22 -23 ກໍລະກົດນີ້ ທາງທີມງານປະຈຳພາກສະໜາມໄດ້ຂ້າທຳລາຍໝູທີ່ຕິດເຊື້ອຕື່ມອີກ 99 ໂຕ, ຍັງມີ 10 ໂຕ ທີ່ມີການເຝົ້າລະວັງດ ສ່ວນບ້ານອື່ນໆຍັງບໍທັນມີພະຍາດນີ້ແພ່ລະບາດ.

ພາບ-ຂ່າວ: ຂ່າວ ແຂວງບໍລິຄຳໄຊ

LEAVE A REPLY

Please enter your comment!
Please enter your name here