ລູກສິດຕົບຫນ້າຄູ! ເກັບຄວາມແຄ້ນທີ່ຖືກຄູທຳຮ້າຍສະໄຫມເປັນເດັກມາດົນ 20 ປີ (ມີຄລິບ)

0
222


ເວັບໄຊເດະ ສະຕາຣ ອອນໄລນ ເຜີຍແຜ່ບົດຄວາມຄິດເຫັນຂອງ ເປີ່ຍ ຫຍຽນຮຸ່ຍ ຄໍລັມນິສຍິງປະຈຳເວັບໄຊ ເມື່ອວັນທີ່ 22 ກໍລະກົດ 2019 ເຖິງຄະດີດັງໃນປະເທດຈີນ ເມື່ອລູກສິດເກັບຄວາມແຄ້ນທີ່ຖືກຄູທຳຮ້າຍສະໄຫມເປັນເດັກມາດົນ 20 ປີ ກະທັ້ງເຫັນຄູຄົນນີ້ອີກຄັ້ງເທີງຫົນທາງ ຈື່ງໄປທວງຖາມຄວາມຈຳພ້ອມຕົບຫນ້າຄູຢ່າງແຮງຫລາຍຄັ້ງ ຈົນຖືກດຳເນີນຄະດີ ແລະຖືກຕັດສິນຈຳຄຸກ


ຜູ້ຂຽນວ່າ ບໍ່ເຄີຍຄິດວ່າການລົງໂທດຂອງຄູແບບຕີເດັກເປັນເລື່ອງຮ້າຍແຮງມາກ່ອນ ແຕ່ສຳລັບທ້າວຊາງ ເຫຣິນເຫຍົາ ຈາກມົນທົນເຫີຫນານ ການຖືກຄູທີ່ຊື່ ຈາງ ຊິງຫລິງ ລົງໂທດ ເປັນປະສົບການທີ່ຝັງໃຈ ແມ່ນວ່າຈະໃຫ່ຍຂື້ນມາຈົນອາຍຸ 34 ປີ ແຕ່ງງານມີລູກແລ້ວກໍ່ຍັງບໍ່ອາດລົບຄວາມແຄ້ນໃຈໃນອະດິດໄດ້
ກະທັ້ງເມື່ອເດືອນກໍລະກົດປີຜ່ານມາ ລະຫວ່າງເດີນທາງກັບໄປຢາມບ້ານ ທ້າວຊາງເຫັນຄູທີ່ສ້າງຄວາມເຈັບແຄ້ນໃຫ້ຕົນເອງ ຂີ່ລົດຈັກຢູ່ຫົນທາງຈື່ງສົ່ງມືຖືໃຫ້ຫມູ່ອັດຄລິບຂະນະທີ່ຕົນເອງຍ່າງເຂົ້າໄປຫາຄູ

“ຍັງຈື່ຂ້ອຍໄດ້ບໍ່ ຍັງຈື່ໄດ້ບໍ່ວ່າເຈົ້າເຄີຍຕີຂ້ອຍຈັ່ງໃດ” ທ້າວຊາງດ່າໃສ່ພ້ອມຕົບຫນ້າ ທ່ານຈາງຫລາຍຄັ້ງ ຂະນະທີ່ຄູຈາງກ່າວເບົາໆວ່າ ແມ່ນຂ້ອຍເຄີຍຕີເຈົ້າມາກ່ອນ ຂໍໂທດເດີ້


ບໍ່ເທົ່າໃດເດືອນຈາກນັ້ນ ຄລິບດັ່ງກ່າວແຜ່ວົງກ້ວາງໃນໂລກໂຊຊຽລ ແລະກາຍເປັນປະເດັນຖົກຖຽງຢ່າງກວ້າງຂວາງ ທັງຝ່າຍທີ່ບໍ່ເຫັນດີນຳ ວ່າການລົງມືແບບນີ້ຈະກາຍເປັນຕົວຢ່າງທີ່ບໍ່ດີໃຫ້ເຍົາວະຊົນບໍ່ເຄົາລົບຄູ ແລະຝ່າຍທີ່ເຫັນວ່າຄູທີ່ທຳຮ້າຍນັກຮຽນບໍ່ຄວນມີທີ່ຢືນໃນສັງຄົມ

ທ້າວຊາງ ຈື່ງຂຽນອະທິບາຍເລື່ອງລາວທີ່ເຮັດເຊັ່ນນັ້ນ “ຂ້ອຍຮູ້ວ່າມັນຜິດທີ່ໄປທຳຮ້າຍຄົນອື່ນ ແຕ່ຂ້ອຍມີເຫດຜົນການລົງໂທດລູກສິດມັນບໍ່ຜິດດອກ ແຕ່ນີ້ມັນເປັນການກັ່ນແກ້ງຄົນໆຫນື່ງ ຢຽບຢ້ຳສັກສີ ຕີນຢັນໃສ ເພາະວ່າຄອບຄົວຂອງເຂົາມັນທຸກ ແລະບໍ່ມີອຳນາດ ແລະມັນບໍ່ແມ່ນຄັ້ງດຽວອີກ”
“ຕອນນັ້ນຂ້ອຍອາຍຸ 13 ຂ້ອຍບໍ່ອາດຈະຕອບໂຕ້ຫຍັງໄດ້ແຕ່ຂ້ອຍເກັບມັນໄວ້ໃນໃຈ ແມ່ນວ່າຕອນນີ້ຂ້ອຍຈະເປັນພໍ່ຄົນແລ້ວ ຂ້ອຍກໍ່ລືມບໍ່ລົງ ຂ້ອຍເຈັບປວດມັນເຮັດໃຫ້ຂ້ອຍຝັນຮ້າຍ ແລະຂ້ອຍຕ້ອງການຄວາມຍຸດຕິທຳ”


ຕໍ່ມາເດືອນທັນວາທ້າວ ຊາງ ຖືກຈັບກຸມ ແລະດຳເນີນຄະດີຖານກໍ່ບັນຫາ ແລະລະເມີດກົດເກນທາງສັງຄົມຕອນນັ້ນທ້າວຊາງກ່າວຂໍໂທດຄູຄົນອື່ນໆ ຍົກເວັ້ນຄູຈາງ ເພາະຖືວ່າເຄີຍທຳຮ້າຍ ແລະດູຖູກດູຫມິ່ນຕົນເຊັ່ນດຽວກັບນັກຮຽນຄົນອື່ນໆ

ເມື່ອວັນທີ່ 10 ກໍລະກົດ 2019 ສານແຂວງຫລວນຊວນຕັດສິນຈຳຄຸກ ທ້າວ ຊາງ 18 ເດືອນ ຊື່ງທ້າວຊາງເດີນຫນ້າອຸທອນ ດ້ານສື່ທ້ອງຖິ່ນເຊັ່ນ ຮັວຊີ ເມໂທຣໂພລິສ ເດລີ ລາຍງານວ່າ ຄູຈາງບໍ່ໄດ້ຖືກນັກຮຽນແສຄັ້ງນີ້ຄັ້ງທຳອິດ ຍັງມີນັກຮຽນຄົນອື່ນໆແສວ່າ ຄູຈາງເປັນຫນື່ງໃນສີ່ຂອງແກ້ງ 4 ຄົນ ທີ່ມັກລົງໂທດນັກຮຽນດ້ວຍຄວາມຮຸນແຮງມີນັກຮຽນຍິງຄົນຫນື່ງຕ້ອງຂໍຍ້າຍໂຮງຮຽນ ຫລັງຈາກຖືກຄູຈາງລົງໂທດ ແລະບໍ່ກ້າມາຢຽບໂຮງຮຽນອີກເລີຍ

ຢ່າງໃດກໍ່ຕາມ ມີລາຍງານວ່າຄູຈາງປ່ຽນມາເປັນມິດກັບນັກຮຽນຫລາຍຂື້ນ ນັກຮຽນ ແລະຜູ້ຮ່ວມງານປະຈຸບັນຕ່າງເວົ້າກົງກັນວ່າ ຄູຈາງບໍ່ໄດ້ທຳຮ້າຍໃຜອີກແລ້ວແລະຕອນທີ່ຖືກຈັບກໍ່ມີຊາວບ້ານກວ່າ 30 ຄົນຖືເອກະສານລົງນາມຈາກຊາວບ້ານຫລາຍກວ່າ 100 ລາຍ ຊື່ໄປແຈ້ງຂໍທາງການໃຫ້ຊ່ວຍໂຕຄູຈາງເພາະຄູຈາງຊ່ວຍເຫຼືອຊາວບ້ານຫລາຍຄົນລວມເຖິງໃຫ້ເງີນໄປຫາຫມໍ ຈັດຫາໂຕະປິງປ໋ອງ ແລະຈັດແຂ່ງຫມາກຮຸກໃຫ້ຄົນໃນຫມູ່ບ້ານຫ່າງໄກການພະນັນ

ຂໍຂອບໃຈ ຂ່າວ ABC



LEAVE A REPLY

Please enter your comment!
Please enter your name here