29.3 C
Vientiane
ວັນພະຫັດ, ເດືອນພຶດສະພາ 13, 2021

ເສັ້ນທາງໃນເທດສະບານເມືອງພູວົງ ໄດ້ຮັບການຍົກລະດັບ ປູຢາງ 2 ຊັ້ນ

Array

ປັດຈຸບັນ, ອໍານາດການປົກຄອງເມືອງ ພູວົງ ແຂວງອັດຕະປື ກໍ່ຄືຫ້ອງການໂຍທາທິການ ແລະ ຂົນສົ່ງ ເມືອງ ໃນນາມເຈົ້າຂອງໂຄງການກໍ່ສ້າງທາງປູຢາງ 2 ຊັ້ນພາຍໃນເທດສະບານເມືອງພູວົງ ໄດ້ເອົາໃຈໃສ່ຕິດຕາມ ບໍລິສັດຜູ້ຮັບເໝົາ ເພື່ອເຮັດໃຫ້ການຈັດຕັ້ງປະຕິບັດໜ້າວຽກຕ່າງໆຂອງໂຄງການ ດໍາເນີນໄປຖືກຕ້ອງຕາມສັນຍາ.ໃນວັນທີ 1 ເມສາ 2021 ນີ້, ທ່ານ ສຸນິລັນ ພິລາວົງ ຫົວໜ້າຫ້ອງການໂຍທາທິການ ແລະ ຂົນສົ່ງ ເມືອງພູວົງ ໄດ້ລາຍງານຕໍ່ສື່ມວນຊົນຂອງແຂວງ ວ່າ: ການກໍ່ສ້າງເສັ້ນທາງປູຢາງ

2 ຊັ້ນພາຍໃນເທດສະບານເມືອງພູວົງ ເພື່ອອໍານວຍຄວາມສະດວກໃຫ້ແກ່ການສັນຈອນໄປມາຂອງພໍ່ແມ່ປະຊາຊົນ, ໂດຍມອບໃຫ້ຫ້ອງການໂຍທາທິການ ເເລະ ຂົນສົ່ງເມືອງ ເປັນເຈົ້າຂອງໂຄງການສົມທົບກັບຂະແໜງການທີ່ກ່ຽວຂ້ອງຂອງເມືອງ ຈັດຊື້ຈັດຈ້າງຕາມລະບຽບການ ການລົງທຶນ ຜ່ານລະບົບການປະມູນ ໂດຍເເມ່ນບໍລິສັດ ພູເງິນຈະເລີນຊັບ ຈຳກັດຜູ້ດຽວເປັນຜູ້ຊະນະການປະມູນ .ໂຄງການກໍ່ສ້າງທາງປູຢາງ 2 ຊັ້ນ ມີລວງຍາວທັງໝົດ 3,5 ກິໂລແມັດ,ໜ້າທາງປູຢາງກ້ວາງ 7 ແມັດ, ມີມູນຄ່າ 5,6 ຕື້

ກວ່າກີບ, ໃນນັ້ນໄດ້ເເບ່ງອອກເປັນ 2 ສັ້ນຍາ ການກໍ່ສ້າງ, ສັນຍາທີ1 ເລີ່ມແຕ່ 4 ເເຍກເຮືອນພັກເຈົ້າເມືອງ ຫາທາງແຍກເຂົ້າພູຫີນອ່ອນ,ມີຄວາມຍາວ 1.750 ແມັດ, ໜ້າທາງປູຢາງກ້ວາງ 7 ແມັດ, ມີມູນຄ່າ 2,6 ຕື້ກວ່າກີບ,ເຊິ່ງໄດ້ເລີ່ມຈັດຕັ້ງປະຕິບັດແຕ່ທ້າຍເດືອນກຸມພາ ມາຮອດປັດຈຸບັນປະຕິບັດໄດ້ປະມານ 80%, ຄາດວ່າຈະ

ສຳເລັດການປູຢາງພາຍໃນເດືອນ ເມສາ 2021 ນີ້, ສັນຍາທີ 2 ແຕ່ທາງເເຍກເຂົ້າພູຫີນອ່ອນ ຫາ ເຮືອນວິລະຊົນນາງເເຮວ,ມີຄວາມຍາວ 1.750 ແມັດ, ໜ້າທາງປູຢາງກວ້າງ 7 ເເມັດ, ມູນຄ່າ 3 ຕື້ກວ່າກີບ, ສຳລັບສັນຍານີ້ເເມ່ນຈະໄດ້ສຶບຕໍ່ກໍ່ສ້າງໃນທ້າຍປີ 2021 ນີ້ ເເລະ ຄາດວ່າຈະໃຫ້ສຳເລັດໃນທ້າຍປີ 2022, ສ່ວນການຊຳລະສະສາງເເມ່ນນຳໃຊ້ບ້ວງເງິນພັດທະນາທ້ອງຖິ່ນຂອງເມືອງ ໃນເເຕ່ລະປີຈົນຮອດປີ 2024 .

ຂ່າວ: ສົງໂຕ ຖວທ ເມືອງພູວົງ

Latest news

- Advertisement -spot_img

Related news

- Advertisement -spot_img