28.9 C
Vientiane
ວັນຈັນ, ເດືອນພຶດສະພາ 10, 2021

ລາວ ໄດ້ຮັບຢາວັກຊີນປ້ອງກັນໂຄວິດ ຈາກລັດຖະບານຈີນ 800.000 ໂດສ ແລະ ເຂັມສັກຢາ 803.​000 ອັນ

Array

ວັກຊີນປ້ອງກັນໂຄວິດ 19 ທີ່ລັດຖະບານ ແລະກອງທັບ ສປ ຈີນ ໃຫ້ການຊ່ວຍເຫລືອ ສປປ ລາວ ຄັ້ງທີສາມ ຈໍານວນ 800.000 ໂດສ ໄດ້ມາເຖິງສະໜາມບິນສາກົນວັດໄຕ ນະຄອນຫຼວງວຽງຈັນ ໃນຕອນຄໍ່າ ວັນທີ 31 ມີນາ 2021ນີ້, ໂດຍການເຂົ້າຮ່ວມ ແລະຮັບເຄື່ອງຊ່ວຍເຫຼືອຄັ້ງນີ້ໂດຍ ທ່ານ ພັນຄໍາ ວິພາວັນ ນາຍົກລັດຖະມົນຕີແຫ່ງ

ສປປ ລາວ, ພ້ອມດ້ວຍຄະນະ, ຕາງໜ້າຝ່າຍຈີນກ່າວມອບໂດຍທ່ານ ຈ່ຽງ ຈ້າຍຕົ່ງ ເອກອັກຄະລັດຖະທູດ ສປ ຈີນ ປະຈໍາ ສປປ ລາວ .ທ່ານ ພັນຄໍາ ວິພາວັນ ຕາງໜ້າໃຫ້ພັກ ລັດຖະບານ ແລະ ປະຊາຊົນລາວ ກ່າວສະແດງຄວາມຂອບໃຈຢ່າງສູງໄປຍັງພັກ, ລັດຖະບານ ແລະ ປະຊາຊົນຈີນ ອ້າຍນ້ອງ ທີ່ເວລາໃດ ກໍ່ໄດ້ສະແດງຄວາມ

ເປັນຫ່ວງເປັນໃຍ ແລະໃຫ້ການຊ່ວຍເຫຼືອອັນລ້ໍາຄ່າ ແກ່ລັດຖະບານ ກໍຄືປະຊາຊົນລາວຕະຫຼອດມາ ເຊິ່ງເປັນການສະແດງເຖິງການເປັນເພື່ອນມິດສະຫາຍອ້າຍນ້ອງທີ່ເປັນມູນເຊື້ອ, ສາຍພົວພັນແບບຄູ່ຮ່ວມມືຍຸດທະສາດຮອບດ້ານ, ຫມັ້ນຄົງຍາວນານ ຕາມທິດ 4 ດີ ແລະ ການເປັນຄູ່ຮ່ວມຊາຕາກໍາ ລາວ-ຈີນ, ຈີນ-ລາວ ທີ່ແທ້ຈິງ. ການ

ຊ່ວຍເຫຼືອຄັ້ງນີ້, ເປັນການປະກອບສ່ວນອັນສໍາຄັນ ທີ່ເປັນຫຼັກຄ້ໍາປະກັນໃຫ້ລັດຖະບານ ກໍ່ຄືປະຊາຊົນລາວ ມີກໍາລັງແຮງໃຈເພີ່ມຂຶ້ນ ເພື່ອຕໍ່ສູ້ກັບພະຍາດໂຕຮ້າຍກາດນີ້ ແລະເປັນພູມຄຸ້ມກັນໃຫ້ແກ່ ສປປ ລາວ ໃນການຮັບມືກັບການລະບາດຂອງພະຍາດໂຄວິດ-19 ໄດ້ຢ່າງມີປະສິດທິພາບສູງຂຶ້ນຕື່ມ. ທ່ານ ຈ່ຽງຈ້າຍຕົ່ງ ເອກອັກຄະລັດຖະທູດ ສປ

ຈີນ ປະຈໍາ ສປປ ລາວ ກ່າວວ່າ: ການຊ່ວຍເຫຼືອຄັ້ງນີ້ ບໍ່ພຽງແຕ່ໄດ້ສະແດງໃຫ້ເຫັນເຖິງຄວາມຮັບຜິດຊອບສູງຂອງຈີນໃນການຊ່ວຍເຫຼືອປະເທດພວມພັດທະນາເທົ່ານັ້ນ, ແຕ່ຍັງໄດ້ສ່ອງແສງໃຫ້ເຫັນເຖິງທາດແທ້ຂອງຄູ່ຮ່ວມຊາຕາກໍາລາວ-ຈີນ ໃນການຊ່ວຍຊູຍູ້ໜູນກັນອີກດ້ວຍ. ຈີນຍິນດີຄຽງຄູ່ກັບຝ່າຍລາວ ເພື່ອປະກອບສ່ວນເຂົ້າໃນການສ້າງຄູ່

ຮ່ວມຊາຕາກໍາທາງດ້ານສາທາລານະສຸກຂອງມວນມະນຸດ ເພື່ອນໍາເອົາຜົນປະໂຫຍດໄປສູ່ປະຊາຊົນທົ່ວໂລກ.ມາຮອດປະຈບັນ ສ ປ ຈີນ ໃຫ້ການຊ່ວຍເຫລືອ ວັກຊິນປ້ອງກັນໂຄວິດ19 ແກ່ ສປປ ລາວ ແລ້ວ 3ຄັ້ງ ມີຫລາຍກວ່າ 1 ລ້ານໂດສ.


ລາວ ໄດ້ຮັບຢາວັກຊີນປ້ອງກັນໂຄວິດ ຈາກລັດຖະບານຈີນ 800.000 ໂດສ ແລະ ເຂັມສັກຢາ 803.​000 ອັນ


ລາວ ໄດ້ຮັບຢາວັກຊີນປ້ອງກັນໂຄວິດ ຈາກລັດຖະບານຈີນ 800.000 ໂດສ ແລະ ເຂັມສັກຢາ 803.​000 ອັນ

Latest news

- Advertisement -spot_img

Related news

- Advertisement -spot_img