ເຄືອໝາກແຕກ ເປັນຢາປິ່ນປົວໂລກປະດົງຂໍ່ ແລະ ອຳມະພາດ ຂອງລະບົບປະສາດສ່ວນກາງ

0
430


ບັນຍາຍລັກສະນະພືດສາດ
ເຄືອໝາກແຕກ ເປັນເຄືອເຂົາປະເພດຫຼົ່ນໃບ, ບໍ່ມີນໍ້າ, ມີຄວາມຍາວແຕ່ 3-10 ມ ແລະ ມີຂະໜາດໜ້າຕ້າງ ປະມານ 10 ຊມ. ເປືອກເປັນສີນໍ້າຕານອ່ອນ, ຊາ, ມີຮອຍແຕກ ແລະ ເປັນກາບນ້ອຍໆຫຼວມໆຫຼົ່ນອອກງ່າຍ. ໃບມີຂະໜາດ 6.3 x 10 ຊມ, ຂອບໃບເປັນວັກບໍ່ສະໜໍ່າສະເໝີ.


ດອກມີຄວາມຍາວ 3.8 ມມ, ສີຂຽວ ແລະ ເກີດເປັນຈຸ້ມ ຢູ່ໃນຊໍ່ດອກທີ່ຢ່ອນລົງຊຶ່ງມີຄວາມຍາວ ປະມານ 20 ຊມ. ໝາກເປັນແຄັບຊູນ 3 ເຟື້ອງ ມີສີເຫຼືອງເຫຼື້ອມຂະໜາດໝ້າຕັດ 1-1.3 ຊມ ແຕ່ລະເຟື້ອງບັນຈຸແກ່ນແຕ 3-6 ແກ່ນ ທີ່ຫຸ້ມຫໍ່ດ້ວຍຊັ້ນຫຸ້ມແກ່ນ (aril) ສີໝາກກ້ຽງປົນແດງ.

ບັນຍາຍການນຳໃຊ້
ຍອດອ່ອນ ສາມາດນຳມາລວກ ຫຼື ຕົ້ມໃຫ້ຈືດແລ້ວກິນກັບແຈ່ວ. ການກິນໃບດິບຈະພາໃຫ້ເກີດອາການຄັນຄໍ ແຕ່ໃບໄດ້ຖືກໃຊ້ເປັນຢາບັນເທົາໄອເຊັ່ນກັນ. ແກ່ນ ແລະ ນໍ້າມັນ ມີການກ່າວກັນວ່າເປັນຢາບຳລຸງສະໝອງ ເຮັດໃຫ້ມີຄວາມສຽບແຫຼມ ແລະ ສະຫຼາດສະຫຼຽວ ນອກຈາກນັ້ນ ກໍ່ຍັງເປັນຢາປິ່ນປົວໂລກປະດົງຂໍ່ ແລະ ອຳມະພາດ ຂອງລະບົບປະສາດສ່ວນກາງ.

ສຳລັບຮາກຢູ່ປະເທດໄທ ແມ່ນໃຊ້ໃນການຕ້ານພະຍາດມາລາເລຍ, ສ່ວນແກ່ນ ແລະ ໃບນັ້ນ ໃຊ້ເປັນຢາຕ້ານເຊື້ອ. ນໍ້າມັນໝາກແຕກ ໃຊ້ເປັນຢາຂັບໄລ່ຍຸງ ແລະ ກໍ່ອາດນຳໃຊ້ໃນການຜະລິດນໍ້າມັນດີເຊນຊີວະພາບໄດ້.

ຂອບໃຈຂໍ້ມູນຈາກ: ພາເຂົ້າລາວ



LEAVE A REPLY

Please enter your comment!
Please enter your name here