ລະທຶກ! ກ່ອນເຮືອບິນທີ່ກຳລັງບິນຈະຂື້ນ ມີຊາຍຫນຸ່ມ ປີນຂຶ້ນປີກຍົນ (ມີຄລິບ)

0
255



ສຳນັກຂ່າວຕ່າງປະເທດລາຍງານເມື່ອວັນທີ່ 21 ກໍລະກົດ 2019 ວ່າ ເຫດການສຸດລະທຶກໃນ ໄນຈີເຣຍ ເມື່ອຢູ່ໆມີຊາຍຄົນຫນື່ງປີນຂື້ນໄປເທີງປີກດ້ານຊ້າຍຂອງເຮືອບິນ ສາຍການບິນອັຊມານແອຣ ຂະນະກຳລັງກຽມພ້ອມບິນຂື້ນຟ້າຈາກ ສະຫນາມບິນນານາຊາດນະຄອນເລກອສ ຫນຳຊ້ຳຍັງພະຍາຍາມບຸກຂື້ນເຮືອບິນກ່ອນເຈົ້າຫນ້າທີ່ຈະຈັບຄວບຄຸມໂຕຊາຍຄົນດັ່ງກ່າວທ່າມກາງຄວາມຕົກໃຈ ແລະສັບສົນຂອງຜູ້ໂດຍສານ


ລາຍງານລະບຸວ່າເຫດການນີ້ເກີດຂື້ນເມື່ອວັນທີ່ 19 ກໍລະກົດທີ່ຜ່ານມາ ລະຫວ່າງທີ່ເຮືອບິນແລ່ນເທີງລັນເວແລະກຳລັງຈະບິນຂື້ນເພື່ອມຸ່ງຫນ້າໄປຍັງເມືອງພອສຣາຄອຕ ຜູ້ໂດຍສານທີ່ນັ່ງຢູ່ຊ່ວງກາງເຮືອບິນສັງເກດເຫັນຊາຍຄົນຫນື່ງຢູ່ແຖວໆປີກເຮືອບິນ ເລີຍຮີບແຈ້ງເຈົ້າຫນ້າທີ່ຕ້ອນຮັບເທີງສາຍການບິນ ຊື່ງຕໍ່ມາກັບຕັນໄດ້ສະລໍຄວາມໄວ ແລະດັບເຄື່ອງພ້ອມທັງແຈ້ງໄປຍັງຫນ່ວຍຮັກສາຄວາມປອດໄພຂອງສະຫນາມບິນ


ຂະນະດຽວກັນຜູ້ໂດຍສານໄດ້ບັນທຶກຄລິບເຫດການຊວນຕົກໃຈ ຄລິບທຳອິດສະແດງໃຫ້ເຫັນຊາຍຊຸດເສື້ອຍືດ-ໂສ້ງຂາຍາວ ປີນຂື້ນໄປເທີງປີກເຮືອບິນ ດ້ານຜູ້ໂດຍສານຕ່າງລຸກຂື້ນຈາກບ່ອນນັ່ງ ແລະພາກັນເບີ່ງຊາຍຄົນດັ່ງກ່າວພ້ອມທັງເວົ້າລົມໂວກເວກເຖິງເຫດທີ່ເກີດຂື້ນ


ອີກຄລິບເປັນຊາຍຄົນເດີມຍ່າງອອກມາຈາກຫລັງເຮືອບິນຂອງເຮືອບິນ ແລະພະຍາຍາມອ້ອນວອນຂໍໃຫ້ເປີດປະຕູສຸກເສີນເພື່ອໃຫ້ຂື້ນມາເທີງເຮືອບິນ ຢ່າງໃດກໍ່ຕາມ ເຈົ້າຫນ້າທີ່ສະຫນາມບິນນຳກຳລັງຈັບກຸມ ແລະນຳໂຕຊາຍຄົນນີ້ໄປສອບສວນ ເບື້ອງຕົ້ນຍັງບໍ່ມີການເປີດເຜີຍວ່າລັກລອບເຂົ້າມາໃນພື້ນທີ່ລັນເວຂອງສະຫນາມບິນໄດ້ຢ່າງໃດ

LEAVE A REPLY

Please enter your comment!
Please enter your name here