ນະຄອນຫຼວງ ມີຈຳນວນຄົນເຈັບສູງເຖິງ 3 ພັນກວ່າກໍລະນີ ຈາກໄຂ້ຍຸງລາຍ

0
206


ໄຂ້­ຍຸງ​ລາຍ​ໃນ​ປັດ­ຈຸ­ບັນ​ແມ່ນ​ໄດ້​ມີ​ການ​ລະ­ບາດ​ໃນ​ຫຼາຍ​ແຂວງ ໃນ​ນັ້ນ ແຂວງ​ທີ່​ມີ​ຈຳ­ນວນ​ຄົນ​ເຈັບ​ສູງ​ກວ່າ​ໝູ່ ແມ່ນ​ນະ­ຄອນ­ຫຼວງ​ວຽງ​ຈັນ ຈຳ­ປາ​ສັກ ສະ­ຫວັນ​ນະ​ເຂດ ສາ­ລະ​ວັນ ແລະ ຄຳ​ມ່ວນ .

ອີງ​ຕາມ​ການ​ລາຍ​ງານ​ຂອງ​ກົມ​ຄວບ​ຄຸມ­ພະ​ຍາດ​ຕິດ­ຕໍ່ ກະ­ຊວງ​ສາ­ທາ­ລະ­ນະ​ສຸກ ວັນ​ທີ 18 ກໍ­ລະ­ກົດ 2019 ໃຫ້​ຮູ້​ວ່າ: ສະ­ພາບ​ການ​ເກີດ​ຂຶ້ນ​ຂອງ​ພະ­ຍາດ​ໄຂ້­ຍຸງ​ລາຍ​ໃນ​ປັດ­ຈຸ­ບັນ​ຍັງ​ພົບ​ກໍ­ລະ­ນີ​ເກີດ​ຂຶ້ນ​ໃໝ່ ແລະ ກໍ­ລະ­ນີ​ເສຍ​ຊີ­ວິດ​ເພີ່ມ​ຕື່ມ ຄື: ໃນ​ວັນ​ທີ 18 ກໍ­ລະ­ກົດ 2019 ໄດ້​ມີ​ກໍ­ລະ­ນີ​ພະ­ຍາດ​ດັ່ງ­ກ່າວ​ເກີດ​ຂຶ້ນ​ໃໝ່ ທັງ​ໝົດ 374 ກໍ­ລະ­ນີ ແລະ ເສຍ​ຊີ­ວິດ​ຈຳ­ນວນ 1 ຄົນ ກໍ­ລະ­ນີ​ເສຍ​ຊີ­ວິດ​ນີ້​ໄດ້​ເກີດ​ຂຶ້ນ​ຢູ່​ແຂວງ​ຄຳ​ມ່ວນ ມາ​ຮອດ​ປັດ­ຈຸ­ບັນ​ທົ່ວ​ປະ­ເທດ​ມີ​ຄົນ​ເຈັບ​ພະ­ຍາດ​ດັ່ງ­ກ່າວ​ສະ​ສົມ 15.107 ກໍ­ລະ­ນີ ເສຍ​ຊີ­ວິດ 33 ກໍ­ລະ­ນີ ໃນ​ນັ້ນ ນວ ມີ 3.095 ກໍ­ລະ­ນີ ເສຍ​ຊີ­ວິດ 7 ຄົນ ຈຳ­ປາ​ສັກ 2.287 ກໍ­ລະ­ນີ ເສຍ​ຊີ­ວິດ 5 ຄົນ ສະ­ຫວັນ​ນະ​ເຂດ 2.518 ກໍ­ລະ­ນີ ເສຍ​ຊີ­ວິດ 10 ຄົນ ສາ­ລະ​ວັນ 2.002 ກໍ­ລະ­ນີ ເສຍ​ຊີ­ວິດ 3 ຄົນ ຄຳ​ມ່ວນ 1.613 ກໍ­ລະ­ນີ ເສຍ​ຊີ­ວິດ 4 ຄົນ ອັດ​ຕະ​ປື 854 ກໍ­ລະ­ນີ ເສຍ​ຊີ­ວິດ 1 ຄົນ ບໍ​ລິ​ຄຳ​ໄຊ 634 ກໍ­ລະ­ນີ ເສຍ​ຊີ­ວິດ 2 ຄົນ ຫຼວງ​ນ້ຳ​ທາ 400 ກໍ­ລະ­ນີ ແຂວງ​ວຽງ​ຈັນ 359 ກໍ­ລະ­ນີ ເຊ​ກອງ 268 ກໍ­ລະ­ນີ ໄຊ​ຍະ​ບູ​ລີ 277 ກໍ­ລະ­ນີ ເສຍ​ຊີ­ວິດ 1 ຄົນ ຫຼວງ​ພະ​ບາງ 162 ກໍ­ລະ­ນີ ໄຊ​ສົມ­ບູນ 181 ກໍ­ລະ­ນີ ອຸ­ດົມ​ໄຊ 26 ກໍ­ລະ­ນີ ບໍ່​ແກ້ວ 15 ກໍ­ລະ­ນີ ຊຽງ​ຂວາງ 15 ກໍ­ລະ­ນີ ຜົ້ງ​ສາ­ລີ 1 ກໍ­ລະ­ນີ ສ່ວນ​ແຂວງ​ຫົວ­ພັນ​ຍັງ​ບໍ່​ພົບ​ກໍ­ລະ­ນີ.

ເພື່ອ​ເປັນ​ການ​ຕິດ­ຕາມ​ສະ­ພາບ​ໄຂ້­ຍຸງ​ລາຍ​ທີ່​ໄດ້​ມີ​ການ​ລະ­ບາດ​ເກີດ​ຂຶ້ນ​ໃນ​ປັດ­ຈຸ­ບັນ ວັນ​ທີ 19 ກໍ­ລະ­ກົດ 2019 ທ່ານ ບຸນ​ກອງ ສີ​ຫາ​ວົງ ລັດ­ຖະ­ມົນ­ຕີ​ກະ­ຊວງ​ສາ­ທາ­ລະ­ນະ​ສຸກ ໄດ້​ລົງ​ຢ້ຽມ­ຢາມ​ໂຮງ­ໝໍ​ມິດ­ຕະ­ພາບ ເພື່ອ​ຕິດ­ຕາມ​ສະ­ພາບ​ໄຂ້­ຍຸງ​ລາຍ​ທີ່​ກຳ­ລັງ​ລະ­ບາດ​ໃນ​ປັດ­ຈຸ­ບັນ.

ໃນ​ໂອ­ກາດ​ນີ້ ທ່ານ ລັດ­ຖະ­ມົນ­ຕີ​ກະ­ຊວງ​ສາ­ທາ­ລະ­ນະ​ສຸກ ໄດ້​ຊີ້​ນຳ​ໃຫ້​ແພດ​ໝໍ​ເອົາ­ໃຈ­ໃສ່​ຄຸ້ມ​ຄອງ​ກໍ­ລະ­ນີ​ຂອງ​ຄົນ​ເຈັບ ບົ່ງ­ມະ­ຕິ​ໃຫ້​ຊັດ​ເຈນ ປິ່ນ­ປົວ​ບໍ່​ໃຫ້​ມີ​ການ​ຕາຍ​ເພີ່ມ​ຂຶ້ນ ນອກ­ຈາກ​ນັ້ນ ໃຫ້​ບັນ­ດາ​ແພດ​ໝໍ​ຕ້ອງ​ໃຫ້​ສຸ​ຂະ​ສຶກ​ສາ ກໍ​ຄື ຂໍ້​ມູນ​ຂ່າວ­ສານ​ກັບ​ຄົນ​ເຈັບ ແລະ ພີ່­ນ້ອງ​ຄົນ​ເຈັບ​ໃຫ້​ປະ­ຕິ­ບັດ​ຕາມ​ການ​ແນະ­ນຳ​ຂອງ​ແພດ ພ້ອມ​ນັ້ນ​ຕ້ອງ​ປຸກ­ລະ­ດົມ​ໃຫ້​ທຸກ​ຄົນ​ມີ​ສ່ວນ​ຮ່ວມ​ໃນ​ການ​ທຳ­ລາຍ​ແຫຼ່ງ​ເພາະ​ພັນ​ໜອນ​ນ້ຳ ຍຸງ​ລາຍ ເພື່ອ​ຢຸດ​ຢັ້ງ​ການ​ແຜ່­ພັນ​ຂອງ​ຍຸງ.

ຂໍຂອບໃຈ ພາບແລະເນື່ອຫາໂດຍ ຫນັງສືພິມວຽງຈັນໃຫມ່



LEAVE A REPLY

Please enter your comment!
Please enter your name here