ຍອດຜູ້ເສຍຊີວິດເຫດໂຮງງານແກ໊ສ໌ລະເບີດໃນຈີນສູງເຖິງ 10 ລາຍ (ຊົມຄລິບ)

0
261


ກຸ່ມຊື່ຕ່າງປະເທດລາຍງານວ່າ ໃນວັນທີ 20/07/2019 ໄດ້ເກີດເຫດໂຮງງານແກດສ໌ລະເບີດໃນເມືອງຊານເໝີນເຊຍ (Sanmenxia) ເຂດເຫີຫນານ ທາງພາກກາງຂອງຈີນ ເຮັດໃຫ້ຍອດຜູ້ເສຍຊີວິດໃນປັດຈຸບັນເພີ່ມຂຶ້ນເປັນ 10 ລາຍ ບາດເຈັບ 19 ລາຍ ແລະ ຍັງມີຜູ້ສູນຫາຍອີກ 5 ລາຍ ນອກຈາກນີ້ ແຮງລະເບີດໄດ້ເຮັດໃຫ້ແກ້ວປ່ອງອ້ຽມຂອງອາຄານໃນລັດສະໝີ 3 ກິໂລແມັດແຕກກະຈາຍ

ໂຮງງານກາສ໌ດັ່ງກ່າວເປັນຂອງບໍລິສັດ Henan Coal Gas Group Co. Ltd., ເຊິ່ງໃນຂະນະນີ້ຍັງບໍ່ມີການລາຍງານສາເຫດຂອງການລະເບີດໃນຄັ້ງນີ້

ເຈົ້າຫນ້າທີ່ກູ້ໄພໄດ້ເປີດເຜີຍວ່າ ຕົ້ນຕໍຂອງການລະເບີດແມ່ນຢູ່ທີ່ຫ້ອງແຍກອາກາດກັບແກດສ໌. ເຖິງຢ່າງໃດກໍ່ຕາມ ຍັງບໍ່ສາມາດຮູ່ຢ່າງຊັດເຈນໃນໂສກກະນາດຕະກຳໃນຄັ້ງນີ້

ທີ່ຜ່ານມາ ໄດ້ເກີດເຫດລະເບີດໃນໂຮງງານອຸດສາຫະກຳໃນຈີນຂຶ້ນຫລາຍເທື່ອ ໂດຍເປັນຜົນມາຈາກມາດຕະການຮັກສາຄວາມປອດໄພຍັງບໍ່ດີເທົ່າທີ່ຄວນ ໂດຍຕົ້ນມີນາທີ່ຜ່ານມາໄດ້ມີເຫດໂຮງງານເຄມີໃນເຂດຈຽງຊູລະເບີດເປັນຜົນໃຫ້ມີຜູ້ເສຍຊີວິດ 78 ຄົນ

ຊົມຄລິບ

ຂຽນໂດຍ: ຊົ່ວໂມງວຽງຈັນ



LEAVE A REPLY

Please enter your comment!
Please enter your name here