ປາສະຫລາມຜູ້ໂຊກດີ! ເຊືອກພລາສຕິກຮັດຄໍປາສະຫລາມຕັ້ງແຕ່ຍັງນ້ອຍຈົນກິນຄໍມັນເກືອບຂາດ

0
147


ທີມງານ Sulikowski Shark and Fish Research Lab ໄດ້ເປີດເຜີຍພາບຂອງປາສະຫລາມທີ່ພົບນອກຊາຍຝັ່ງລັດ ເມນ ປະເທດສະຫະລັດອາເມລີກາ ເມື່ອຕົ້ນເດືອນທີ່ຜ່ານມາ ໂດຍປາສະຫລາມໂຕນີ້ມີຄວາມຍາວເຖິງ 2.24 ແມັດ ແຕ່ທີ່ຄໍຂອງມັນມີເຊືອກວົງກົມ ຫລື ເຊືອກພລາສຕິກຮັດໄວ້ ຄາດວ່າໄດ້ຖືກຮັດໄວ້ຕອນທີ່ມັນຍັງໂຕນ້ອຍ ເມື່ອໃຫຍ່ຂຶ້ນມາເຊືອກມັນຈະຮັດແຫນ້ນຂຶ້ນ ແລະ ຈະຄ່ອຍໆກິນຄໍມັນໄປເລື້ອຍໆ ຈົນເຮັດໃຫ້ຊີ້ນຖືກບີບອອກມາເປັນສີແດງ

ທີມງານຄາດວ່າ ປາສະຫລາມໂຕນີ້ຍັງໃຫຍ່ບໍ່ເຕັມທີ່ເທື່ອ ຖ້າໃຫຍ່ເຕັມທີ່ຈະຍາວເຖິງ 3.35 ແມັດ ເຊິ່ງຄາດວ່າເຊືອກພລາສຕິກອາດຈະກິນຊີ້ນມັນເຂົ້າໄປອີກຈົນສ້າງຄວາມທໍລະມານໃຫ້ກັບມັນຢ່າງຫລາຍ ແລະມັນອາດຈະຕ້ອງຕາຍໃນທີ່ສຸດ

ທີມງານໄດ້ຕັດເຊືອກອອກ ແລະ ຕິດອຸປະກອນສັນຍານຕິດຕາມເພື່ອຄອຍກວດສອບວ່າມັນຈະຟື້ນຈາກອາການບາດເຈັບຫລືບໍ່ ເຊິ່ງການພົບປາສະຫລາມທີ່ຖືກຮັດດ້ວຍເຊືອກພລາສຕິກທີ່ເປັນວົງກົມນີ້ ສະທ້ອນວ່າໂລກຂອງເຮົາຈຳເປັນຈະຕ້ອງຕະຫນັກເຖິງໄພຈາກການຖິ້ມຂີ້ເຫຍື້ອພລາສຕິກລົງສູ່ທະເລຫລາຍຂຶ້ນ ເພາະເຮົາເຫັນແລ້ວວ່າມັນທຳລາຍຊີວິດຂອງສັດທະເລຢ່າງໂຫດຮ້າຍ ແລະ ເປັນວິທີສ້າງຄວາມເຈັບປວດທໍລະມານໃຫ້ກັບສັດຢ່າງຫລາຍ

ທັງນີ້ ຈາກການລາຍງານລ່າສຸດເມື່ອວັນທີ່ 15 ທີ່ຜ່ານມາ ພົບວ່າປາສະຫລາມຕົວນີ້ຍັງມີຊີວິດຢູ່ດີ ແລະ ຍັງລອຍຢູ່ແຖວຊາຍຝັ່ງລັດ ເມນ ບໍ່ໄກຈາກທີ່ທີມງານໄດ້ພົບມັນຕອນຄັ້ງທຳອິດ

ຮູບພາບ

ຂຽນໂດຍ ຊົ່ວໂມງວຽງຈັນ



LEAVE A REPLY

Please enter your comment!
Please enter your name here