ທ່ານ ໄຊສົມພອນ ພົມວິຫານ ຕ້ອນຮັບຄະນະຜູ້ແທນສະມາຄົມແບ່ງປັນຄວາມຮັກຊຸມຊົນແຫ່ງ ສ.ເກົາຫຼີ

0
267


ທ່ານ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ ປະທານສູນກາງແນວລາວສ້າງຊາດໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ລີ ອຶນ ດົກ (Lee Eun Deok) ປະທານສະມາຄົມແບ່ງປັນຄວາມຮັກຊຸມຊົນແຫ່ງ ສ.ເກົາຫຼີ ພ້ອມດ້ວຍຄະນະ ໃນໂອກາດທີ່ມາເຄື່ອນໄຫວຢ້ຽມຢາມ ແລະ ເຮັດວຽກຢູ່ໃນ ສປປ ລາວ ທີ່ສູນກາງແນວລາວສ້າງຊາດເມື່ອວັນທີ 18 ກໍລະ ກົດທີ່ຜ່ານມາ.

ໃນໂອກາດນີ້ ທ່ານ ໄຊສົມພອນ ໄດ້ສະແດງຄວາມຊົມເຊີຍ ຍິນດີຕ້ອນຮັບ ແລະ ຕີລາຄາສູງຕໍ່ການພົວພັນຮ່ວມມືສອງຝ່າຍ ພ້ອມກັນນັ້ນຍັງໄດ້ປຶກສາຫາລືແລກປ່ຽນຄໍາຄິດເຫັນກ່ຽວກັບການສ້າງສາຍພົວພັນມິດຕະພາບ ລາວ-ສ. ເກົາຫຼີ ທີ່ຈະໄດ້ຮ່ວມມືກັນໃນຕໍ່ໜ້າເວົ້າລວມ ເວົ້າສະເພາະກໍຄືສູນກາງແນວລາວສ້າງຊາດກັບສະມາຄົມແບ່ງປັນຄວາມຮັກຊຸມຊົນ ສ.ເກົາຫຼີ ເພື່ອເປັນການເສີມສ້າງສາຍພົວພັນຮ່ວມມື ການແລກປ່ຽນຂໍ້ມູນ-ຂ່າວສານ ປະສານສົມທົບ ແລະ ສະໜັບສະໜູນຊຶ່ງກັນ ແລະ ກັນ ກ່ຽວກັບວຽກງານທີ່ເປັນປະໂຫຍດໃຫ້ແກ່ປະຊາຊົນສອງປະເທດ.

ພ້ອມນີ້ ທ່ານປະທານສູນກາງແນວລາວສ້າງຊາດຍັງໄດ້ສະແດງຄວາມຂອບໃຈຢ່າງສູງຕໍ່ການສະໜັບສະໜູນ ຊ່ວຍເຫຼືອ ແລະ ນໍ້າ ໃຈຂອງປະຊາຊົນ ແລະ ລັດຖະບານ ສ.ເກົາຫຼີ ໃນການປຸກລະດົມ ການບໍລິຈາກເຄື່ອງອຸປະໂພກ ບໍລິໂພກ ວັດຖຸສິ່ງຂອງ ແລະ ອື່ນໆ ເພື່ອຊ່ວຍເຫຼືອປະຊາຊົນລາວໃນເຂດທຸກຍາກຫ່າງໄກສອກຫຼີກ ສ່ວນທ່ານ ລີ ອຶນ ດົກ (Lee Eun Deok) ປະທານສະມາຄົມແບ່ງປັນຄວາມຮັກຊຸມຊົນ ສ.ເກົາຫຼີ ໄດ້ສະແດງຄວາມຂອບໃຈຕໍ່ ທ່ານ ປອ ໄຊສົມພອນ ພົມວິຫານ ທີ່ເສຍສະຫຼະເວລາອັນມີຄ່າຕ້ອນຮັບຢ່າງອົບອຸ່ນໃນຄັ້ງນີ້ ພ້ອມທັງໄດ້ແຈ້ງສະພາບຂອງການມາເຄື່ອນໄຫວເຮັດວຽກຢູ່ ສປປ ລາວໃນຄັ້ງນີ້ ໂດຍສະເພາະແມ່ນການມອບເຄື່ອງຊ່ວຍເຫຼືອຈໍານວນໜຶ່ງໃຫ້ສູນກາງແນວລາວສ້າງຊາດເພື່ອນໍາໄປມອບຕໍ່ຊ່ວຍເຫຼືອປະຊາຊົນທີ່ເຂດຫ່າງໄກສອກຫຼີກຕື່ມອີກ.

ຂ່າວຈາກ ລາວໂພສຕ໌



LEAVE A REPLY

Please enter your comment!
Please enter your name here