ມອບໃບຍ້ອງຍໍ ແລະ ຫຼຽນກາລະນຶກ 70 ປີກອງທັບປະຊາຊົນລາວໃຫ້ພະນັກງານກະຊວງການເງິນ ແລະ ກະຊວງແຜນການ ແລະ ການລົງທຶນ

0
236


ໃນວັນທີ 18 ກໍລະກົດຜ່ານມາ ກະຊວງປ້ອງກັນປະເທດໄດ້ຈັດຕັ້ງມອບໃບຍ້ອງຍໍ ແລະ ຫຼຽນກາລະນຶກ 70 ປີກອງທັບປະຊາຊົນລາວໃຫ້ພະນັກງານກະຊວງການເງິນ ແລະ ກະຊວງແຜນການ ແລະ ການລົງທຶນ ໂດຍການເປັນປະທານຂອງ ສະຫາຍພົນເອກ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ ລັດຖະມົນຕີກະຊວງປ້ອງກັນປະເທດ ໃຫ້ກຽດເຂົ້າຮ່ວມໃນພິທີມີ ສະ ຫາຍສົມດີ ດວງດີ ກຳມະການສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ສະຫາຍ ປອ ສຸພັນ ແກ້ວມີໄຊ ກຳມະການສູນກາງພັກ ລັດຖະມົນຕີກະຊວງແຜນການ ແລະ ການລົງທຶນ ມີຄະນະນຳກະຊວງປ້ອງກັນປະເທດ ບັນດາກົມໃຫຍ່ ພະນັກງານ 2 ກະຊວງ ແລະ ແຂກທີ່ຖືກເຊີນເຂົ້າຮ່ວມ.

ອີງຕາມຂໍ້ຕົກລົງຂອງກະຊວງປ້ອງກັນປະເທດວ່າດ້ວຍການຍ້ອງຍໍສັນລະເສີນຜົນງານໃຫ້ແກ່ພະນັກງານກະຊວງການເງິນ ກະຊວງແຜນການ ແລະ ການລົງທຶນທີ່ມີຜົນງານດີເດັ່ນໃນການປະກອບສ່ວນເຂົ້າໃນງານສະເຫຼີມສະຫຼອງວັນສ້າງຕັ້ງກອງທັບຄົບຮອບ 70 ປີ ແລະ ເຮັດສຳເລັດໜ້າທີ່ການເມືອງທີ່ຂັ້ນເທິງມອບໝາຍໃຫ້ເປັນຢ່າງດີ ຜົນງານດັ່ງກ່າວເປັນການປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ.

ດັ່ງນັ້ນ ກະຊວງປ້ອງກັນປະເທດຈຶ່ງຕົກລົງມອບໃບຍ້ອງຍໍກະຊວງປ້ອງກັນປະເທດ ແລະ ຫຼຽນກາລະນຶກ 70 ປີກອງທັບປະຊາຊົນລາວໃຫ້ພະນັກງານກະຊວງການເງິນ ແລະ ກະຊວງແຜນການ ແລະ ການລົງ ທຶນຈຳນວນ 42 ສະຫາຍ.

ຂ່າວຈາກ ລາວໂພສຕ໌



LEAVE A REPLY

Please enter your comment!
Please enter your name here