ທ້າຍປີນີ້ ເສດຖະກິດລາວ ຈະໃຫ້ຂະຫຍາຍຕົວຢ່າງຕ່ຳ 6,98%

0
297


ໃນໄລຍະ 5 ເດືອນທີ່ຜ່ານມາ ສະຫວັນນະເຂດໄດ້ສຸມໃສ່ປັບປຸງກໍ່ສ້າງ ແລະ ສ້ອມແປງພື້ນຖານໂຄງລ່າງ ໂດຍສະເພາະທາງດ້ານກະສິກໍາທີ່ຖືກຜົນກະທົບໃນຊ່ວງລະດູຝົນປີຜ່ານມາເພື່ອຕອບສະໜອງໃຫ້ແກ່ການຜະລິດເຂົ້ານາແຊງ ແລະ ພືດທົດແທນ ຈາກຄວາມເປັນຫ່ວງເປັນໃຍເອົາໃຈໃສ່ ຊີ້ນໍາ-ນໍາພາຂອງຄະນະພັກກໍຄືຄະນະປົກຄອງແຂວງ ສົມທົບກັບບັນດາພະແນກການ ແລະຄວາມເປັນເຈົ້າການຂອງທ້ອງຖິ່ນບວກກັບການສະໜັບສະໜູນ ຊ່ວຍເຫຼືອຂອງທຸກພາກສ່ວນໃນທົ່ວສັງຄົມເຮັດໃຫ້ການຈັດຕັ້ງປະຕິບັດໃນ 5 ເດືອນຕົ້ນປີໄດ້ມີໝາກຜົນດີພໍສົມຄວນ ຊຶ່ງໝາກຜົນດັ່ງກ່າວນີ້ຈະເປັນພື້ນຖານ ແລະ ທ່າແຮງທີ່ສໍາຄັນໃຫ້ແກ່ການບັນລຸຄາດໝາຍແຜນພັດທະນາເສດຖະກິດ-ສັງຄົມໃນປີ 2019 ຢ່າງແນ່ນອນ.

ທ່ານ ວາລິຍະ ສີຈັນທອງທິບ ຫົວໜ້າພະແນກແຜນການ ແລະ ການລົງທຶນແຂວງສະຫວັນນະເຂດມີຄໍາເຫັນວ່າ ໃນ 6 ເດືອນທ້າຍປີ 2019 ນີ້ຈະຕັ້ງເປົ້າໃຫ້ GDP ຂະຫຍາຕົວຕື່ມບໍ່ໃຫ້ຫຼຸດ 6,98% ມີມູນຄ່າ 9.593,82 ຕື້ກີບ ເທົ່າກັບ 50,52% ຂອງແຜນການ ສະເລ່ຍ GDP ໃສ່ກັບພົນລະເມືອງໃຫ້ໄດ້ບໍ່ຫຼຸດ 9.284.944 ກີບ ເທົ່າກັບ 1.128 ໂດລາ ເທົ່າກັບ 51.55% ໃນນີ້ຂະແໜງກະສິກໍາ ແລະ ປ່າໄມ້ໃຫ້ໄດ້ຕື່ມ 3.563,91 ຕື້ກີບໄດ້ຈາກຜົນຜະລິດເຂົ້ານາປີ ສັດລ້ຽງ ປູກພືດ ປູກໄມ້ອຸດສາຫະກໍາຂະແໜງອຸດສາຫະກໍາໃຫ້ໄດ້ຕື່ມ 3.404,86 ຕື້ກີບ ຊຶ່ງໄດ້ຈາກການຜະລິດທອງແດງ ຫິນກາວ ອຸປະກອນຖ່າຍພາບໃນເຂດເສຖະກິດພິເສດສະຫວວັນ-ເຊໂນ ການຜະລິດເຫຍື່ອເຈັ້ຍ ອຸດສາຫະກໍາປຸງແຕ່ງອື່ນໆ ແລະ ການລົງທຶນຂອງພາກເອກະຊົນ ຂະແໜງບໍລິການໃຫ້ໄດ້ຕື່ມ 2.625,04 ຕື້ກີບ ໄດ້ຈາກການຂາຍຍົກ-ຂາຍຍ່ອຍການບໍລິການທ່ອງທ່ຽວ ໂຮງແຮມ ຮ້ານອາຫານ ແລະບໍລິ ການໄປສະນີ ແລະ ໂທລະຄົມ ໃນນີ້ ໃຫ້ອັດຕາແລກປ່ຽນເພີ່ມ ແລະ ບໍ່ໃຫ້ເກີນ 0,5% ອັດຕາເງິນເຟີ້ໄປຕາມທິດຄຸ້ມຄອງຂອງລັດເພີ່ມຂຶ້ນໃຫ້ຢູ່ໃນລະດັບຕົວເລກດຽວ ມີຄວາມຕ້ອງການທຶນເພື່ອພັດທະນາເພີ່ມອີກ 4.181,74 ຕື້ກີບ ໃນນີ້ ລົງທຶນຈາກງົບປະ ມານລັດມີປະມານ 50,66 ຕື້ກີບ ທຶນຊ່ວຍເຫຼືອທາງການເພື່ອພັດທະນາປະມານ 3.204,95 ຕື້ກີບ ທຶນຈາກສິນເຊື່ອທະນາ ຄານ ແລະ ການລົງທຶນປະມານ 828,24 ຕື້ກີບ.

ທ່ານ ວາລິຍະ ກ່າວຕື່ມວ່າ ໃນ 5 ເດືອນຕົ້ນປີທີ່ຜ່ານມາສະພາບຂອງການລົງທຶນພາຍໃນແຂວງມີທັງໝົດ 3.309,77 ຕື້ກີບ ເທົ່າກັບ 46,45% ຂອງແຜນການປີ 7.125,35 ຕື້ກີບ ກວມ 40,32% ຂອງຈີດີພີ ໃນນີ້ ລົງທຶນລັດ 36,12 ຕື້ກີບ ກວມ 1,09% ທຶນຊ່ວຍເຫຼືອການພັດທະນາ ກວມ 0,88% ລົງທຶນເອກະຊົນພາຍໃນ ແລະ ຕ່າງປະເທດກວມ 13,12% ແລະ ສິນເຊື່ອທະນາຄານກວມ 84,49% ການລົງທຶນລັດມີ 157 ໂຄງການ ມູນຄ່າ 65,49 ຕື້ກີບ ເທົ່າກັບ 30,64 ຂອງແຜນການປີ 213,68 ຕື້ກີບ ໃນນີ້ ທຶນພາຍໃນ 36,12 ຕືກີບ ແລະ ທຶນຕ່າງປະເທດ 29,37 ຕື້ກີບ.

ຂ່າວຈາກ ລາວໂພສຕ໌



LEAVE A REPLY

Please enter your comment!
Please enter your name here