28 C
Vientiane
ວັນພຸດ, ເດືອນມີນາ 3, 2021

ຜູ້ຮັບສະໝັກ ສສຊ ຊຸດທີ IX ປະຈໍາເຂດ ເລືອກຕັ້ງທີ 14 ລົງເຄື່ອນໄຫວໂຄສະນາຫາສຽງ.

ຜູ້ຮັບສະໝັກ ສສຊ ຊຸດທີ IX ປະຈໍາເຂດ ເລືອກຕັ້ງທີ 14 ລົງເຄື່ອນໄຫວໂຄສະນາຫາສຽງ ແຫລ່ງຂ່າວຈາກແຂວງສາລະວັນ ໃຫ້ຮູ້ວ່າ: ຂະບວນການລົງຫາສຽງຂອງບັນດາຜູ້ສະໝັກເປັນສະມາຊິກສະພາແຫ່ງຊາດ (ສສຊ) ຊຸດທີ IX ປະຈຳເຂດເລືອກຕັ້ງທີ 14 ແຂວງສາລະວັນ ໄດ້ເລີ່ມລົງເຄື່ອນໄຫວໂຄສະນາຫາສຽງ ເປັນຈຸດທຳອິດຂອງແຂວງ, ວັນທີ 8 ກຸມພາ 2021, ຢູ່ສະໂມສອນຂອງແຂວງ ນຳໂດຍ ທ່ານ ສີເຮັງ ຫອມສົມບັດ ຮອງເລຂາພັກແຂວງ ຜູ້ສະໝັກເປັນສະມາຊິກສະພາແຫ່ງຊາດ ໝາຍເລກ 1 ແລະ ບັນດາ ຜູ້ສະໝັກ ສສຊ ຈຳນວນ 12 ທ່ານ ໂດຍການມີບັນດາການນຳຂັ້ນແຂວງ, ພະແນກການ, ຫົວໜ້າ, ຮອງຂະແໜງ ແລະ ພະນັກງານຫລັກແຫລ່ງອ້ອມຂ້າງແຂວງ

ເຂົ້າຮ່ວມຮັບຟັງ. ອກາດນີ້, ທ່ານ ສີເຮັງ ຫອມສົມບັດ ກໍໄດ້ກ່າວເຖິງທັດສະນະຊີ້ນຳ ຂອງກົມການເມືອງສູນກາງພັກ ໂດຍສະເພາະເນື້ອໃນຈິດໃຈມະຕິ 118/ກມສພ ວ່າດ້ວຍການເພີ່ມທະວີ, ການຊີ້ນໍາໆພາຂອງຄະນະພັກຕໍ່ບັ້ນເລືອກຕັ້ງ ສສຊ ຊຸດທີ IX ສສຂ ຊຸດທີ II, ໃນ 3 ທັດສະນະໃຫຍ່ຄື: ການເລືອກຕັ້ງຊຸດນີ້ ເປັນການສືບຕໍ່ປັບປຸງ, ບູລະນະລະບອບປະຊາທິປະໄຕ ປະຊາຊົນ, ຈາກປະຊາຊົນ ໂດຍປະຊາຊົນ ແລະ ເພື່ອຜົນໂຫຍດຂອງປະຊາຊົນ; ການເລືອກຕັ້ງ ເປັນພາກສ່ວນໜື່ງໃນການປັບປຸງ

ບູລະນະການຈັດຕັ້ງ ແລະ ບຸກຄະລາກອນຂອງລະບົບການເມືອງຢູ່ສູນກາງ ແລະ ທ້ອງຖິ່ນ ເປັນການເລືອກເຟັ້ນ ແລະ ຊັບຊ້ອນພະນັກງານຮັບຜິດຊອບໃນວຽກງານຕ່າງໆ; ການເລືອກຕັ້ງຊຸດນີ້ ເປັນຄວາມຮັບຜິດຊອບຂອງຄະນະພັກທຸກຂັ້ນ ແລະ ຂອງທົ່ວປວງຊົນ, ທັງເລືອກໄດ້ຜູ້ທີ່ມີມາດຖານ, ເງື່ອນໄຂຄົບຖ້ວນ ທັງສູນກາງ, ທ້ອງຖິ່ນ, ເພດເຜົ່າ, ຜູ້ເກົ່າ ແລະ ຜູ້ໃໝ່. ຈາກນັ້ນ, ທ່ານກໍໄດ້ສະເໜີດ້ານປະຫວັດໂດຍຫຍໍ້ ກ່ຽວການເຄື່ອນໄຫວໃນແຕ່ລະໄລຍະ ແລະ ຄວາມມຸ້ງຫວັງ, ແນວຄວາມຄິດ ທີ່ຈະນຳພາ

ສ້າງສາພັດທະນາແຂວງສາລະວັນ ແລະ ບັນດາຜູ້ສະໝັກ ສສຊ ຊຸດທີ IX ທັງໝົດ 12 ທ່ານ ກໍໄດ້ສະເໜີປະຫວັດການເຄື່ອນໄຫວ ແລະ ໜ້າທີ່ຄວາມຮັບຜິດຊອບ ຕໍ່ບັນດາຜູ້ເຂົ້າຮ່ວມ.ການລົງຫາສຽງຂອງຜູ້ສະໝັກເປັນສະມາຊິກສະພາແຫ່ງຊາດ ຊຸດທີ IX ມີທັງໝົດ 23 ຈຸດໃນທົ່ວແຂວງ, ເຊິ່ງ ແຂວງສາລະວັນ ມີທັງໝົດ 8 ຕົວເມືອງ, ມີພົນລະເມືອງທັງໝົດ 443.456 ຄົນ, ຍິງ 223.570 ຄົນ, ມີໜ່ວຍປ່ອນບັດທັງໝົດ 358 ໜ່ວຍ, ຜູ້ມີສິດເລືອກຕັ້ງທີ່ມີໜ້າປ່ອນບັດຕົວຈິງທັງໝົດ 225.795 ຄົນ, ຍິງ 113.390 ຄົນ ແລະ ຈະໄດ້ປ່ອນບັດເລືອກຕັ້ງໃນວັນທີ 21 ກຸມພາ 2021.

ຂ່າວ-ພາບ: ວິໄລວອນ ສິດທິໄຊ

Latest news

- Advertisement -

Related news

- Advertisement -

LEAVE A REPLY

Please enter your comment!
Please enter your name here