ໄຮໂຊສາວຈີນເມົາຂັບລົດໄວໄປຕຳເອົາ 8 ຄັນ ເຮັດໃຫ້ລົດບີເອັມໄຟລຸກໄມ້ກາງສີ່ແຍກ ຕາຍ 2 (ຄລິບ)

0
72



ສາວຈີນບ້ານລວຍຖືກເຈົ້າຫນ້າທີ່ຕຳຫລວດຈັບຕົວ ຫລັງຈາກກໍ່ເຫດຂັບລົດໄປຕຳລົດອີກຄັນກາງສີ່ແຍກ ເຮັດໃຫ້ລົດຄູ່ກໍລະນີໄຟໄຫມ້ແລະມີຜູ້ເສຍຊີວິດ 2 ລາຍ ກວດພົບເຫັນມີທາດເຫລົ້າໃນເລືອກຫລາຍພໍສົມຄວນ

ສຳນັກງານຂ່າວຕ່າງປະເທດໄດ້ລາຍງານວ່າ ເຫດການດັ່ງກ່າວເກີດຂຶ້ນໃນຄືນວັນພຸດ 3 ເດືອນ 7 ປີ 2019 ທີ່ຜ່ານມາ ໂດຍຍິງສາວມີນາມວ່າ ແຊ້ຖັນ ໄວ 23 ປີ ໄດ້ຂັບລົດຫລູຍີ່ຫໍ້ Mesarti ໄປຕາມຖະຫນົນແຫ່ງຫນຶ່ງຂອງເມືອງຫຍົງເສີງ ເຂດເຫີນານ ຫລັງຈາກທີ່ລາວໄດ້ສ້າງສັນກັບຫມູ່ ໂດຍມີຫມູ່ນັ່ງມານຳກັນອີກ 2 ຄົນ

ລະຫວ່າງທາງ ສາວ ແຊ້ຖັນ ໄດ້ຂັບລົດບໍ່ທຸ່ນທ່ຽງ ເຮັດໃຫ້ໄປຕຳເອົາລົດຄົນອື່ນຢ່າງຫນ້ອຍ 8 ຄັນ ກ່ອນທີ່ປະຊາຊົນທີ່ເຫັນເຫດການໄດ້ພາກັນຊ່ວຍຢຸດລົດຂອງນາງໄດ້ ແຕ່ຢ່າງໃດກໍ່ຕາມນາງໄດ້ຂີ່ລົດຫນີ ແຕ່ກັບໄປຕຳກົ້ນລົດເກັງ BMW ທີ່ຈອດຕິດໄຟແດງຢູ່ພຽງຄັນດຽວຢ່າງຮຸ່ນແຮງ ຈົນເຮັດໃຫ້ລົດ BMW ກະເດັນອອກໄປເກືອບ 10 ແມັດ ເຮັດໃຫ້ໄຟລຸກໄມ້

ຈາກເຮັດການດັ່ງກ່າວ ມີຜູ້ເສຍຊີວິດ 2 ຄົນ ແລະ ບາກເຈັບສາຫັດອີກ 2 ຄົນ ທີ່ນັ່ງໃນລົດ BMW. ສ່ວນ ນາງ ແຊ້ຖັນແລະຫມູ່ອີກ 2 ຄົນ ໄດ້ຮັບບາດເຈັບ.

ເຊິ່ງທັງ 3 ຄົນ ໄດ້ຖືກເຈົ້າຫນ້າທີ່ ຈັບກຸມຕົວ ແລະ ໄດ້ກວດເລືອດແລະພົບວ່າມີທາດເຫລົ້າໃນເລືອກສູງ ເຖິງລະດັບ 0.167 ເຊິ່ງໃນທາງກົດໝາຍຈີນໃຫ້ພຽງລະດັບ 0.02 ເທົ່ານັ້ນ

ຊົມຄລິບ

ຈາກຂໍ້ມູນເບື້ອງຕົ້ນ ນາງ ແຊ້ຖັນ ຫາກໍ່ຮຽນຈົບຈາກມະຫາວິທະຍາໄລໃຫມ່ໆ ແລະ ເປັນຄົນມີຖານະດີ ແລະ ມີທຸລະກິດຄອບຄົວ

ນອກຈາກນີ້ ນາງຍັງມັກໂອ້ອວດ ຖ່າຍຮູບໂຊວ໌ຄວາມລລ່ຳລວຍຂອງຕົນໃນໂຊຊ້ຽວເນັດເວີກ

LEAVE A REPLY

Please enter your comment!
Please enter your name here