ລົງເຄື່ອນໄຫວພົ່ນຢາປ້ອງກັນ ແລະ ຄວບຄຸມພະຍາດອະຫິວາໜູອາຟຼິກກາ

0
59



ເລີ້ມແຕ່ວັນທີ 04 ກໍລະກົດ 2019 ເປັນຕົ້ນມາ ທາງຫ້ອງການກະສິກໍາ ແລະ ປ່າໄມ້ ເມືອງທ່າປາງທອງ ແຂວງສະຫັວນນະເຂດ ໄດ້ຈັດສົ່ງພະນັກງານວິຊາການ ແລະ ພະນັກງານຫ້ອງການກຽ່ວຂ້ອງລົງເຄື່ອນໄຫວ ພົ່ນຢາປ້ອງກັນ, ສະກັດກັ້ນ ແລະ ຄວບຄຸມພະຍາດອະຫິວາໜູອາຟຼິກກາ.ອີງຕາມແຈ້ງການຂອງກະຊວງກະສິກຳ ແລະ ປ່າໄມ້ ສະບັບເລກທີ່ 0259/ກປ,ລົງວັນທີ 21 ມີນາ 2019 ກຽ່ວກັບການສະກັດກັ້ນ ຫ້າມນໍາເຂົ້າໜູ່ ແລະ ຜະລິດຕະພັນໜູທຸກສະນິດ ລວມທັງຜະລິດຕະພັນປຸງແຕ່ງເບື້ອງຕົ້ນຈາກສປຈີນ ແລະ ສສ ຫວຽດນາມ ເຂົ້າສູ່ ສປປ ລາວ, ອີງຕາມຄໍາສັ່ງຂອງລັດຖະມົນຕີກະຊວງກະສິກຳ ແລະ ປ່າໄມ້ ສະບັບເລກທີ 2950/ກປ.

ລົງວັນທີ 25 ມີຖຸນາ 2019 ກຽ່ວກັບການເພີ້ມທະວີຄວາມຮັບຜິດຊອບຕໍ່ການເຝົ້ລະວັງ ປ້ອງກັນສະກັດກັ້ນ ແລະ ຄວບຄຸມພະຍາດອະຫິວາໜູອາຟຼິກກາ,ອີງຕາມແຈ້ງການ ຂອງພະແນກກະສິກຳ ແລະ ປ່າໄມ້ແຂວງ ສະບັບເລກທີ 1489/ກປ.ສຂ.ລົງວັນທີ 28 ມີຖຸນາ 2019 ກຽ່ວກັບການເອົາໃຈໃສ່ເຝົ້າລະວັງຕິດຕາມກວດກາ ການລະບາດຂອງພະຍາດອະຫິວາໜູອາຟຼິກກາ.ທາງການນຳຂອງເມືອງກໍ່ໄດ້ເອົາໃຈໃສ່ຊີ້ນຳຫ້ອງການກະສິກຳ ແລະ ປ່າໄມ້,ຫ້ອງການທີ່ກຽ່ວຂ້ອງ ແລະ ອໍານາດການປົກຄອງຂັ້ນຕ່າງໆໂດຍສະເພະກຸ່ມບ້ານ ແລະ ບ້ານໄດ້ຈັດຕັ້ງຜັນຂະຫຍາຍ.

ພາກປະຕິບັດຕົວຈີງແມ່ນຈັດຕັ້ງທີມງານລົງໂຄສະນາເຜີຍແຜ່ເຮັດວຽກການເມືອງ-ແນວຄິດກຽ່ວກັບຜົນຮາ້ຍຂອງພະຍາດດັ່ງກາວ ໃນເຂດພື້ນທີ່ ບ້ານແດນສະຕຶງ ແລະ ບ້ານພູຜານາງ.ຕິດຕັ້ງຈຸດພົ່ນຢາເພື່ອຂ້າເຊື້ອພະຍາດ ອະຫິວາໜູອາຟຼິກກາ. ເຊີ່ງມີ 03 ຈຸດຄື:ຈຸດບ້ານ ນາຫ້ວຍໄລ່,ຈຸດບ້ານ ກຸດລຳພັນ ແລະ ຈຸດບ້ານ ນາສະໂນ .

ຂ່າວ-ພາບ:ດວງໃຈ ແສນບຸດຕະລາດ.

LEAVE A REPLY

Please enter your comment!
Please enter your name here