ໂລກອະຫິວາອາຟຣິກາຍັງຄົບສືບເນື່ອງລະບາດຫລາຍ ອ້າຍຈີນເພີ່ມມາດຕະການຄວບຄຸມໃຫ້ຫລາຍຂຶ້ນ

0
215



ໃນວັນທີ່ 4/7/2019 ສຳນັກງານຂ່າວຊິນຫົວລາຍງານວ່າ ວັນທີ່ 3/07/2019 ຄະນະລັດຖະມົນຕີຂອງຈີນ ໄດ້ເຜີຍແຜ່ແນວມາງປະຕິບັດ ເພື່ອຄວບຄຸມແລະປົກປ້ອງໂລກອະຫິວາອາຟີຣິກາໃນຫມູ ໂດຍແນວທາງການປະຕິບັດດັ່ງກ່າວກະຕຸ້ນໃຫ້ມີການຄວບຄຸມດູແລທຸກຂັ້ນຕອນໃນກຸ່ມອຸດສາຫະກຳຫມູຂອງປະເທດ ແລະ ຈະບັງຄັບໃຊ້ຂໍ້ບັງຄັບທີ່ເຂັ້ມງວດຫລາຍຂຶ້ນ ເພື່ອສົ່ງເສີມການປ້ອງກັນໂລກແລະຄວບຄຸມການເພາະລ້ຽງ ການຂົນສົ່ງ ແລະ ການຂ້າຫມູ

ຮູບຈາກ Nikkei Asian Review

ແຕ່ລະບໍລິສັດຕ້ອງກວດສອບຊີ້ນຫມູດິບເພື່ອຫາເບິ່ງວ່າມີໂລກຫລືບໍ່ ກ່ອນຈະນຳຊີ້ນຫມູໄປແປຮູບ ສ່ວນຫນ່ວຍງານຕ່າງໆກໍ່ຈະກວດສອບຜູ້ຜະລິດຢ່າງເຂັ້ມງວດຫລາຍຂຶ້ນ ລວມໄປເຖິງການປາບປາມຂະບວນການແປຮູບທີ່ບໍ່ຖີກຕ້ອງຕາມກົດຫມາຍ ຈີນຈະກະຊັບການກວດກາແລະການສະກັດກັ້ນໂລກສຳລັບການນຳເຂົ້າແລະສົ່ງອອກຫມູ ລວມທັງຮັບມືກັບກຸ່ມຜູ້ລັກລອບຄ້າຂາຍຫມູອີກດ້ວຍ

ຮູບຈາກ The New York Times

ແນວທາງປະຕິບັດໄດ້ລະບຸວ່າ ໂຮງລ້ຽງຫມູທີ່ໄດ້ຮັບຜົນກະທົບຢ່າງຫນັກຈາກການລະບາດຂອງໂລກອະຫິວາອາຟຣິກາ ຈະໄດ້ຮັບຄວາມຊ່ວຍເຫລືອດ້ານການຜະລິດຊົ່ວຄາວ ເຊັ່ນ ເງິນກູ້ໄລຍະສັ້ນດອກເບ້ຍຕ່ຳ

AP News

ຈີນໄດ້ດຳເນີນມາດຕະການຢ່າງຕໍ່ເນື່ອງໃນການປ້ອງກັນແລະການຄວບຄຸມໂລກອະຫິວາອາຟຣິກາໃນຫມູ ໂດຍຂໍ້ມູນທາງການເມື່ອທ້າຍເດືອນມີຖຸນາທີ່ຜ່ານມາ ສະແດງໃຫ້ເຫັນວ່າ ນັບຕັ້ງແຕ່ຕົ້ນປີ ຈີນມີລາຍງານການລະບາດຂອງໂລກດັ່ງກ່າວ 44 ລາຍແລ້ວ ໂດຍອັດຕາການລະບາດຄົງທີ່ໃນແຕ່ລະເດືອນ ຍົກເວັ້ນແຕ່ເດືອນເມສາເທົ່ານັ້ນ

ຮຽບຮຽງໂດຍ ຊົ່ວໂມງວຽງຈັນ

LEAVE A REPLY

Please enter your comment!
Please enter your name here