28 C
Vientiane
ວັນພຸດ, ເດືອນມີນາ 3, 2021

ລາຍຮັບຂອງການບິນລາວຫຼຸດລົງເຖິງ 70%

ລາຍຮັບຂອງບໍລິສັດການບິນລາວໃນປີ 2020 ຫຼຸດລົງ 70% ຖ້າທຽບກັບ ປີ 2019, ນອກຈາກນີ້ ການຂາຍຂອງຕົວແທນກໍ່ຫຼຸດລົງແບບຫນ້າຕົກໃຈເຊັ່ນກັນ ຈາກ 31 ລ້ານໂດລາ ໃນປີ 2019 ເຫຼືອພຽງ 13ລ້ານໂດລາ ໃນປີ 2020 ຊຶ່ງຂໍ້ມູນດັ່ງກ່າວນີ້ແມ່ນໄດ້ຖືກລາຍງານໂດຍລັດວິສາຫະກິດການບິນລາວ ໃນກອງປະຊຸມລະຫວ່າງການບິນລາວ ແລະ ຕົວແທນ ທີ່ໄດ້ຈັດຂຶ້ນເມື່ອບໍ່ດົນມານີ້ ທີ່ນະຄອນຫຼວງວຽງຈັນ.


ທ່ານ ຄຳຫຼ້າ ພົມມະວັນ ຜູ້ອຳນວຍການ ລັດວິສາຫະກິດການບິນລາວກ່າວວ່າ: ການລະບາດຂອງພະຍາດໂຄວິດ- 19 ໄດ້ສົ່ງຜົນກະທົບຕໍ່ສາຍການບິນທົ່ວໂລກ ບໍ່ແມ່ນສະເພາະແຕ່ສາຍການບິນຂອງລາວ ລວມທັງບັນດາຫົວໜ່ວຍທຸລະກິດ ທີ່ຕິດພັນກັບການທ່ອງທ່ຽວ ເຊັ່ນ: ຮ້ານອາຫານ ແລະ ໂຮງແຮມ.
ໃນປີ 2020 ຜ່ານມາການບິນລາວມີຜູ້ໂດຍສານທັງໝົດເກືອບ 380.000 ຄົນ ໃນ 6.645 ຖ້ຽວບິນ ເຊິ່ງກວມພຽງແຕ່ 30% ຂອງປີ 2019. ທັງນີ້ ສາຍການບິນເອງກໍ່ໄດ້ມີການປັບຕົວ ໃຫ້ເຂົ້າກັບສະພາບການປັດຈຸບັນ ໂດຍເນັ້ນໃສ່ສາຍການບິນພາຍໃນ ເຊັ່ນ ຈັດໂປຼໂມຊັ່ນ ປີ້ຍົນລາຄາພິເສດ ໃນແຕ່ລະຖ້ຽວ ແລະອື່ນໆ ເພື່ອກະຕຸ້ນຜູ້ໂດຍສານພາຍໃນປະເທດ ໃຫ້ມີການເດີນທາງ ແລະ ທ່ອງທ່ຽວຫຼາຍຂຶ້ນ.


ປະຈຸບັນ ເສັ້ນທາງສາກົນຂອງການບິນລາວ ມີພຽງເສັ້ນທາງວຽງຈັນ-ຄຸນໝິງ ສອງຖ້ຽວຕໍ່ອາທິດ ທີ່ຍັງເປີດໃຫ້ບໍລິການ ສ່ວນເສັ້ນທາງອື່ນໆ ແມ່ນຍັງລໍຖ້າການອະນຸມັດຈາກພາກສ່ວນກ່ຽວຂ້ອງ.

ຂ່າວ: ວຽງຈັນທາຍ

Latest news

- Advertisement -

Related news

- Advertisement -

LEAVE A REPLY

Please enter your comment!
Please enter your name here