ສະຫຼອງວັນວິສາຫະກິດຂະໜາດນ້ອຍ ແລະ ກາງ ສາກົນ ປະ­ຈຳ​ປີ 2019 ພາຍ​ໃຕ້​ຫົວ­ຂໍ້ ການ​ຫັນ​ເປັນ​ດິ​ຈິ​ຕອນ MSME

0
218



ກົມ​ສົ່ງ­ເສີມ​ວິ​ສາ​ຫະ​ກິດ​ຂະ­ໜາດ​ນ້ອຍ ແລະ ກາງ ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ຈັດ​ງານ​ສະ­ເຫຼີມ­ສະ­ຫຼອງ​ວັນ​ຈຸນ​ລະ­ວິ​ສາ​ຫະ​ກິດ ວິ​ສາ​ຫະ​ກິດ​ຂະ­ໜາດ​ນ້ອຍ ແລະ ກາງ ສາ­ກົນ (MSME) ປະ­ຈຳ​ປີ 2019 ພາຍ​ໃຕ້​ຫົວ­ຂໍ້ ການ​ຫັນ​ເປັນ​ດິ​ຈິ​ຕອນ MSME ຂຶ້ນ​ວັນ​ທີ 2 ກໍ­ລະ­ກົດ 2019 ທີ່​ໂຮງ­ແຮມ​ດອນ​ຈັນ​ພາ​ເລດ ນະ­ຄອນ­ຫຼວງ​ວຽງ​ຈັນ ມີ​ທ່ານ​ນາງ ເຂັມ​ມະ­ນີ ພົນ​ເສ­ນາ ລັດ­ຖະ­ມົນ­ຕີ​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ທ່ານ ທັນ​ສະ­ໄໝ ກົມ​ມະ​ສິດ ລັດ­ຖະ­ມົນ­ຕີ​ກະ­ຊວງ​ໄປ­ສະ­ນີ ໂທລະ​ຄົມ­ມະ­ນາ­ຄົມ ແລະ ການ​ສື່­ສານ ທ່ານ ດາວ​ວອນ ພະ­ຈັນ​ທະ​ວົງ ຮອງ​ປະ­ທານ​ສະ­ພາ​ການ​ຄ້າ ແລະ ອຸດ­ສາ­ຫະ­ກຳ​ແຫ່ງ​ຊາດ​ລາວ ພ້ອມ​ດ້ວຍ​ຜູ້­ຕາງ­ໜ້າ​ຈາກ​ກະ­ຊວງ ກົມ ແລະ ທູ­ຕາ­ນຸ­ທູດ ອົງ​ການ­ຈັດ­ຕັ້ງ​ສາ­ກົນ​ກ່ຽວ­ຂ້ອງ​ເຂົ້າ​ຮ່ວມ.

ທ່ານ ບຸນ​ເຖິງ ດວງ​ສະ­ຫວັນ ຫົວ­ໜ້າ​ກົມ​ສົ່ງ­ເສີມ​ວິ​ສາ​ຫະ​ກິດ​ຂະ­ໜາດ​ນ້ອຍ ແລະ ກາງ ກ່າວ​ວ່າ: ການ​ສະ­ເຫຼີມ­ສະ­ຫຼອງ​ວັນ MSME ສາ­ກົນ​ແມ່ນ​ກົງ​ກັບ​ວັນ​ທີ 27 ມິ­ຖຸ­ນາ​ຂອງ​ທຸກ​ປີ ເຊິ່ງ​ເລີ່ມ​ຈັດ​ຕັ້ງ​ປະ­ຕິ­ບັດ​ແຕ່​ປີ 2017 ເປັນ­ຕົ້ນ​ມາ ພາຍ­ຫຼັງ​ທີ່​ສະ­ມັດ­ຊາ​ໃຫຍ່​ອົງ­ການ​ສະ­ຫະ​ປະ­ຊາ​ຊາດ​ໄດ້​ຮັບ­ຮອງ ໂດຍ​ເປົ້າ​ໝາຍ​ສຳ­ຄັນ​ໃນ​ການ​ກຳ­ນົດ​ໃຫ້​ມີ​ວັນ​ດັ່ງ­ກ່າວ ເພື່ອ​ເຮັດ​ໃຫ້​ທຸກ​ພາກ­ສ່ວນ​ທີ່​ກ່ຽວ­ຂ້ອງ​ທົ່ວ​ສັງ­ຄົມ​ໄດ້​ຮັບ​ຮູ້ ແລະ ເຂົ້າ­ໃຈ​ເລິກ­ເຊິ່ງ​ກ່ຽວ​ກັບ​ບົດ­ບາດ ແລະ ຄວາມ​ສຳ­ຄັນ​ຂອງ MSME ທີ່​ໄດ້​ປະ­ກອບ­ສ່ວນ​ເຂົ້າ​ໃນ​ການ​ພັດ­ທະ­ນາ​ເສດ­ຖະ­ກິດ ການ​ສ້າງ​ວຽກ​ເຮັດ​ງານ​ທຳ ແລະ ການ​ຍົກ​ລະ­ດັບ​ຊີ­ວິດ​ການ​ເປັນ​ຢູ່​ຂອງ​ປະ­ຊາ­ຊົນ ແລະ ຊຸມ​ຊົນ​ຢູ່​ໃນ​ທົ່ວ​ໂລກ ເຊິ່ງ​ປີ​ນີ້​ອົງ­ການ​ສະ­ຫະ​ປະ­ຊາ​ຊາດ​ໄດ້​ສະ­ຫຼອງ​ວັນ​ດັ່ງ­ກ່າວ ພາຍ​ໃຕ້​ຫົວ­ຂໍ້ ການ​ປົດ​ລັອກ​ທ່າ­ແຮງ​ຂອງ MSME ເພື່ອ​ປະ­ກອບ­ສ່ວນ​ເຂົ້າ​ໃນ​ການ​ບັນ­ລຸ​ເປົ້າ​ໝາຍ​ການ​ພັດ­ທະ­ນາ​ແບບ​ຍືນ​ຍົງ.

ສຳ­ລັບ​ງານ​ສະ­ເຫຼີມ­ສະ­ຫຼອງ​ວັນ MSME ສາ­ກົນ​ຢູ່​ລາວ​ເຮົາ​ໄດ້​ກຳ­ນົດ​ສອງ​ກິດ­ຈະ­ກຳ​ຫຼັກ ຄື: ການ​ສຳ​ມະ​ນາ​ຫົວ​ຂໍ້­ຄວາມ​ສຳ­ຄັນ ແລະ ການ​ກະ­ກຽມ​ຄວາມ​ພ້ອມ​ນຳ​ໃຊ້​ເຕັກ​ໂນ​ໂລ​ຊີ ແລະ ນະ​ວັດ­ຕະ​ກຳ​ຂອງ MSME ໃນ​ຍຸກ​ດີ​ຈິ​ຕອນ​ຫົວ­ຂໍ້​ໂອ­ກາດ ແລະ ສິ່ງ​ທ້າ​ທາຍ​ໃນ​ການ​ນຳ​ໃຊ້​ການ​ຄ້າ​ທາງ​ອີ​ເລັກ​ໂຕຣ​ນິກ ສ່ວນ​ກິດ­ຈະ­ກຳ​ທີ​ສອງ ແມ່ນ​ກາ­ນວາງ­ສະ­ແດງ​ຜະ­ລິດ​ຕະ​ພັນ ແລະ ຜົນ­ງານ​ຂອງ​ບັນ­ດາ​ຜູ້​ປະ­ກອບ​ການ MSME ຂອງ​ລາວ.

ຂໍຂອບໃຈ ພາບແລະເນື່ອຫາໂດຍ ຫນັງສືພິມວຽງຈັນໃຫມ່

LEAVE A REPLY

Please enter your comment!
Please enter your name here