30 C
Vientiane
ວັນພະຫັດ, ເດືອນມັງກອນ 28, 2021

ບຸນຊ້າງປະຈໍາປີ 2021 ຢູ່ແຂວງໄຊຍະບູລີ ອາດຈະບໍ່ມີ ຍ້ອນພະຍາດທີ່ລະບາດ.

- Advertisement -
- Advertisement -

ຍ້ອນການແຜ່ລະບາດຂອງພະຍາດໂຄວິດ-19 ຢູ່ບັນດາປະເທດທີ່ມີຊາຍແດນຕິດກັບ ສປປ ລາວຍັງມີການແຜ່ລະບາດເປັນວົງກວ້າງ ຊຶ່ງ ບາງປະເທດພະຍາດດັ່ງກ່າວໄດ້ກັບມາແຜ່ລະບາດເປັນຮອບໃໝ່ ໂດຍລັດຖະບານໄດ້ມີການສັ່ງໂຈະການຈັດງານຕ່າງໆໃນໄລຍະນີ້ເພື່ອປ້ອງກັນພະຍາດດັ່ງກ່າວ

ຊຶ່ງອາດຈະລວມທັງງານບຸນຊ້າງປະຈໍາປີ 2021 ຢູ່ແຂວງໄຊຍະບູລີ ເຖິງແມ່ນວ່າການນໍາແຂວງໄຊຍະບູລີຈະໄດ້ກໍານົດມື້ຈັດງານບຸນຊ້າງດັ່ງກ່າວໄວ້ແລ້ວກໍ່ຕາມ.

ທ່ານ ເພັດພິໄຊ ສູນວິໄລ ຮອງເຈົ້າແຂວງ ໄຊຍະບູລີໄດ້ກ່າວເມື່ອບໍ່ດົນມານີ້ກ່ຽວກັບການຈັດງານບຸນຊ້າງປະຈໍາປີ 2021 ຢູ່ແຂວງໄຊຍະບູລີວ່າ: : ການຈັດງານບຸນຊ້າງປີ 2021 ນີ້ ຈະບໍ່ຈັດໃຫ່ຍຄືທຸກໆປິທີ່ຜ່ານມາ ຍ້ອນປະຕິບັດຕາມການແຈ້ງການຂອງຄະນະສະເພາະກິດຄວບຄຸມ, ປ້ອງກັນ ແລະ ແກ້ໄຂການແຜ່ລະບາດຂອງພະຍາດໂຄວິດ-19,

ຈະຈັດງານໃຫ້ພໍເປັນພິທີຕາມຮີດຄອງປະເພນີ ທີ່ເຄີຍປະຕິບັດກັນມາ ຊຶ່ງງານດັ່ງກ່າວຈະມີພຽງວັນດຽວ ໂດຍໄດ້ກໍານົດເອົາວັນທີ 13 ກຸມພາ 2021 ເປັນມື້ຈັດງານບຸນ, ສ່ວນວ່າຈະໄດ້ຈັດງານບຸນຕາມກຳນົດການ ຫຼື ບໍ່ນັ້ນແມ່ນຂັ້ນເທິງຈະເປັນຜູ້ຕັດສິນວ່າຈະອະນຸຍາດໃຫ້ຈັດ ຫຼື ບໍ່.

ຂໍ້ມູນ-ພາບ: ຫ້ອງວ່າການແຂວງໄຊຍະບູລີ

- Advertisement -

Latest news

- Advertisement -

Related news

- Advertisement -

LEAVE A REPLY

Please enter your comment!
Please enter your name here