26.9 C
Vientiane
ວັນພະຫັດ, ເດືອນມັງກອນ 28, 2021

ລາວເພີ່ມຄວາມເຂັ້ມງວດໃນການປ້ອງກັນຄົນລັກລອບເຂົ້າ-ອອກຕາມຊາຍແດນ.

- Advertisement -
- Advertisement -

ພາຍຫຼັງທີ່ມີການແຜ່ລະບາດຂອງພະຍາດໂຄວິດ-19 ຢູ່ບັນດາປະເທດເພື່ອນບ້ານຂຶ້ນຮອບໃໝ່ໂດຍສະ ເພາະຢູ່ປະເທດມຽນມາ ແລະ ປະເທດໄທ ໂດຍພົບຜູ້ຕິດເຊື້ອພະຍາດດັ່ງກ່າວນີ້ເປັນຈໍາຫຼາຍໃນວັນດຽວ ແລະ ມີທ່າອ່ຽງເພີ່ມຂຶ້ນເລື້ອຍໆນັ້ນ ລັດຖະບານລາວ ກໍ່ຄື ຄະນະສະເພາະກິດປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດ ຂອງພະຍາດໂຄວິດ-19 ໄດ້ມີການຈັດກອງປະຊຸມດ່ວນເມື່ອບໍ່ດົນມານີ້ເພື່ອປຶກສາຫາລື, ວິເຄາະສະພາບການແຜ່ລະບາດຂອງພະຍາດນີ້ໃນທົ່ວໂລກ ຊຶ່ງໄດ້ເນັ້ນໜັກວິເຄາະສະພາບການແຜ່ລະບາດ ຂອງພະຍາດໂຄວິດ-19 ຢູ່ບັນດາປະເທດທີ່ມີຊາຍແດນຕິດກັບ ສປປ ລາວລວມມີ ປະເທດໄທ, ມຽນມາ, ກໍາປູເຈຍ ແລະ ສປ ຈີນ ເພື່ອຫາວິທີປ້ອງກັນ ຊຶ່ງຜູ້ເຂົ້າຮ່ວມໄດ້ເຫັນດີເພີ່ມມາດຕະການລາດຕະເວນ ຕາມຊາຍແດນ ເພື່ອປ້ອງ ກັນຄົນລັກລອບເຂົ້າ-ອອກ ເມືອງຢ່າງຜິດກົດໝາຍ.


ພາຍຫຼັງກອງປະຊຸມ, ຄະນະສະເພາະກິດປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດ ຂອງພະຍາດໂຄວິດ-19 ໄດ້ອອກມາດຕະການໃໝ່ທີ່ແຕກຕ່າງຈາກມາດຕະການ ຊຸດເກົ່າ ໃຫ້ປະຕິບັດນັບແຕ່ ວັນທີ 23 ທັນວາ 2020 ຫາ 31 ມັງກອນ 2021 ໂດຍມີການສະເໜີໃຫ້ກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ ແລະ ທ້ອງຖິ່ນທີ່ກ່ຽວຂ້ອງໃຫ້ເພີ່ມທະວີການກວດກາ ການເຂົ້າ-ອອກຂອງພົນລະເມືອງ ຢູ່ຕາມດ່ານຕ່າງໆ, ເພີ່ມການລາດຕະເວນ ຕາມຊາຍແດນ ເພື່ອຮັບປະກັນ ບໍ່ໃຫ້ມີການລັກລອບເຂົ້າ-ອອກ, ສໍາລັບບຸກຄົນທີ່ເດີນທາງເຂົ້າມາໃນ ສປປ ລາວ ຈະຕ້ອງໃສ່ອຸປະກອນຕິດຕາມທາງການແພດ ເພື່ອຄວາມສະດວກໃນການຕິດຕາມບຸກຄົນດັ່ງກ່າວໃນໄລຍະ 14 ວັນທີ່ຖືກກັກກັນ.

ຂ່າວ: ວຽງຈັນທາຍ

- Advertisement -

Latest news

- Advertisement -

Related news

- Advertisement -

LEAVE A REPLY

Please enter your comment!
Please enter your name here