30 C
Vientiane
ວັນພະຫັດ, ເດືອນມັງກອນ 28, 2021

ບໍ່ແກ້ວຫ້າມເດັດຂາດບໍ່ໃຫ້ໃຊ້ສຽງດັງໃນຄໍ່າຄືນສະຫຼອງສົ່ງທ້າຍປີເກົ່າຕ້ອນຮັບປີໃໝ່.

- Advertisement -
- Advertisement -

ກອງບັນຊາການ ປກສ ແຂວງບໍ່ແກ້ວ ໄດ້ອອກແຈ້ງການເມື່ອບໍ່ດົນມານີ້ເຖິງທຸກຊັ້ນ ຄົນພາຍໃນແຂວງບໍ່ແກ້ວໃຫ້ຊາບວ່າ: ໃນຄໍ່າຄືນຂອງວັນທີ 31 ທັນວາ 2020 ຊຶ່ງເປັນຄໍ່າຄືນການສະຫຼອງສົ່ງທ້າຍປີເກົ່າ 2020 ແລະ ຕ້ອນຮັບປີໃໝ່ 2021 ນີ້ ຫ້າມເດັດຂາດບໍ່ໃຫ້ໃຊ້ສຽງດັງເປັນຕົ້ນແມ່ນການຈູດບັ້ງໄຟດອກ, ບັ້ງໄຟພຸ, ໝາກກະໂພກທຸກປະເພດ, ຫ້າມບຸກຄົນທີ່ບໍ່ມີໜ້າທີ່ ຖືອາວຸດທຸກປະເພດ, ທຸກຊະນິດ ເວັ້ນເສຍແຕ່ຜູ້ທີ່ໄດ້ຮັບການມອບໝາຍຈາກການຈັດຕັ້ງກ່ຽວຂ້ອງ, ອະນຸຍາດໃຫ້ສັງສັນ ຊຸມແຊວຮອດເວລາ 00 ໂມງເທົ່ານັ້ນ

ແຕ່ຫ້າມຈັດງານເປັນວົງກວ້າງ ຫຼື ຈັດໃຫ່ຍ ທັງນີ້ກໍ່ເພື່ອປ້ອງກັນພະຍາດໂຄວິດ-19 ຕາມການແຈ້ງການຂອງຄະນະສະເພາະກິດ, ໃຫ້ຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ, ໃຫ້ຈັດຕັ້ງພະນັກງານປ້ອງກັນສຳນັກງານ, ຫ້ອງການ, ປ້ອງກັນຄ້າຍຄູຕະຫຼອດ 24 ຊົ່ວໂມງ, ການຈັດງານອວຍພອນ, ຊຸມແຊວ ຫຼື ງານຕ່າງໆ ຕ້ອງເປັນເຈົ້າການໃນການປ້ອງກັນເວນຍາມ ຮັບປະກັນບໍ່ໃຫ້ມີບັນຫາທີ່ບໍ່ດີເກີດຂຶ້ນໃນງານ.


ແຈ້ງການຍັງໄດ້ລະບຸໄວ້ຕື່ມອີກວ່າ: ການຂັບຂີ່ຍານພາຫະນະທຸກຄັ້ງຕ້ອງປະຕິບັດຕາມກົດຈະລາຈອນ ເປັນຕົ້ນແມ່ນຕ້ອງໄດ້ຖືເອກະສານລົດ, ໃບຂັບຂີ່, ຜູ້ຂັບລົດຈັກ, ຜູ້ຊ້ອນທ້າຍລົດຈັກຕ້ອງໃສ່ໝວກກັນກະທົບ. ສໍາລັບຜູ້ລະເມີດຈະຖືກສຶກສາອົບຮົມກ່າວເຕືອນສ້າງບົດບັນທຶກ, ຖ້າມີຜົນເສຍຫາຍຫຼາຍຈະດໍາເນີນຄະດີຕາມລະບຽບກົດໝາຍ, ປັບໃໝທາງບໍລິຫານຕາມລະບຽບການ.

ຂໍ້ມູນ: ປກສ ແຂວງບໍ່ແກ້ວ

- Advertisement -

Latest news

- Advertisement -

Related news

- Advertisement -

LEAVE A REPLY

Please enter your comment!
Please enter your name here