30 C
Vientiane
ວັນພະຫັດ, ເດືອນມັງກອນ 28, 2021

ປກສ ນະຄອນໄກສອນ ພົມວິຫານກວດລ້າງລົດຈັກດັດແປງສະພາບ

- Advertisement -
- Advertisement -

ເຈົ້າໜ້າທີ່ກອງຕໍາຫຼວດຈະລາຈອນ ປກສ ນະຄອນ ໄກສອນ ພົມວິຫານ ແຂວງສະຫວັນນະເຂດເລັ່ງກວດລ້າງລົດຈັກດັດແປງສະພາບ ເພື່ອສ້າງຄວາມເປັນລະບຽບຮຽບຮ້ອຍ.

ທ່ານຮ້ອຍເອກ ພູທອນ ສົມບັດບຸນເຮືອງ ຫົວໜ້າກອງຕໍາຫຼວດ ຈະລາຈອນ ປກສ ນະຄອນໄກສອນ ພົມວິຫານ ແຈ້ງໃຫ້ຮູ້ ວ່າ: ການລົງກວດລ້າງລົດຈັກດັດແປງສະພາບເຕັກນິກເມື່ອບໍ່ດົນມານີ້ ສາມາດພົບເຫັນ ລົດຈັກທີ່ດັດແປງສະພາບຈໍານວນ 14 ຄັນ ຊື່ງມີການດັດແປງສະພາບທໍ່ລົດໃຫ້ມີສຽງດັງແຮງ, ດັດແປງໃສ່ທໍ່ໃໝ່ທີ່ບໍ່ແມ່ນມາຈາກເຄົ້າເດີມຂອງລົດ, ໃສ່ຢາງນ້ອຍ. ລົດຈໍານວນ 14 ຄັນທີ່ຢຶດມານັ້ນ ທາງເຈົ້າໜ້າທີ່ໄດ້ມີການຫັນອອກ ແລະ ຢຶດທໍ່ທີ່ດັດແປງສະພາບ, ປາດຢາງລົດເພື່ອບໍ່ໃຫ້ເຈົ້າຂອງລົດນໍາມາໃຊ້ອີກ.

ທ່ານຮ້ອຍເອກ ພູທອນ ໄດ້ກ່າວຕື່ມວ່າ: ຜູ້ດັດແປງສະພາບລົດດັ່ງກ່າວສ່ວນຫຼາຍເປັນນັກຮຽນ ຊຶ່ງເຈົ້າໜ້າທີ່ໄດ້ມີການສຶກສາອົບຮົມ ແລະ ເຊີນຜູ້ປົກຄອງມາຮັບຟັງນໍາເພື່ອເຕືອນລູກຫຼານຂອງເຂົາເຈົ້າບໍ່ໃຫ້ເຮັດຜິດລະບຽບຈະລາຈອນອີກ. ສະເພາະການເຮັດຜິດລະບຽບຈະລາຈອນຢູ່ພາຍໃນນະຄອນໄກສອນ ພົມວິຫານ, ສ່ວນຫຼາຍແມ່ນການຂັບຂີ່ບໍ່ໃສ່ໝວກກັນກະທົບ, ຂັບຂີ່ແບບບໍ່ຖືກລະບຽບ, ຂີ່ໄວເກີນກໍານົດ ແລະ ອື່ນໆ.

ຂ່າວ: ປກສ ນະຄອນໄກສອນ ພົມວິຫານ

- Advertisement -

Latest news

- Advertisement -

Related news

- Advertisement -

LEAVE A REPLY

Please enter your comment!
Please enter your name here