26.9 C
Vientiane
ວັນພະຫັດ, ເດືອນມັງກອນ 28, 2021

ສປຊ ມອບອຸປະກອນເຄື່ອງສົ່ງວິທະຍຸ FM ແນໃສ່ເຜີຍແຜ່ຂໍ້ມູນຂ່າວສານຢູ່ເຂດຫ່າງໄກສອກຫຼີກ

- Advertisement -
- Advertisement -

ອົງການສະຫະປະຊາຊາດ ເພື່ອການພັດທະນາ ປະຈຳ ສປປ ລາວ (ສປຊ) ມອບອຸປະກອນເຄື່ອງສົ່ງວິທະຍຸ FM, ເຄື່ອງສະຕູດີໂອ ແລະ ເຄື່ອງອີເລັກໂຕຣນິກ ໃຫ້ແກ່ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ(ຖວທ), ເພື່ອນໍາໄປຕິດຕັ້ງໃຫ້ແກ່ສະຖານີວິທະຍຸຊຸມຊົນຢູ່ເມືອງ ມະຫາໄຊ ແຂວງ ຄຳມ່ວນ ແລະ ສະຖານີວິທະຍຸຊຸມຊົມ ເມືອງ ຊ່ອນ ແຂວງຫົວພັນ.

ສຳລັບອຸປະກອນດັ່ງກ່າວ ປະກອບມີ ເຄື່ອງສົ່ງວິທະຍຸ FM 1 ກີໂລວັດ 2 ເຄື່ອງ, ເສົາສັນຍານສູງ 60 ແມັດ 1 ເສົາ, ຄອມພິວເຕີຮັບໃຊ້ຫ້ອງອອກອາກາດ ແລະ ຫ້ອງການ 6 ໜ່ວຍ ພ້ອມລະບົບວິນໂດ ແລະ ເອັນຕີ້ໄວລັດ, ໝໍ້ເກັບໄຟ 6 ໜ່ວຍ, ເຄື່ອງປັບອາກາດ 4 ໜ່ວຍ, ເຄື່ອງບັນທຶກສຽງ 4 ໜ່ວຍ, ໄມ ແລະ ຫູຟັງອອກອາກາດ 4 ຊຸດ, ໝໍ້ປັບໄຟອັດຕະໂນມັດ 2 ໜ່ວຍ, ເຄື່ອງມິກເຊີ 4 ໜ່ວຍ, ລຳໂພງໃນຫ້ອງສະຕູດີໂອ 2 ຊຸດ, ຈານດາວທຽມ ພ້ອມເຄື່ອງຮັບ ແລະ ໂທລະພາບຂະໜາດ 24 ນີ້ວ 2 ຊຸດ, ອຸປະກອນຮັບສາຍໜ້າໄມ ແລະ ຫຼັງໄມ 2 ຊຸດ, ປ້າຍຊື່ສະຖານີ 2 ປ້າຍ, ໂຕະເຮັດວຽກຫ້ອງການພ້ອມຕັ່ງ 4 ຊຸດ, ຕູ້ໃສ່ລະບົບເຄື່ອງສົ່ງ ພ້ອມລໍ້ຍູ້ 2 ຊຸດ ແລະ ລະບົບໂທລະໂຄ່ງ 2 ຊຸດ ແລະ ອື່ນໆ, ໂດຍທຶນດັ່ງກ່າວແມ່ນໄດ້ຮັບການສະໜັບສະໜູນ ຈາກ ສະຫະພັນລັດເຊຍ ໂດຍຜ່ານອົງການ ສປຊ ປະຈຳ ສປປ ລາວ ຜ່ານໂຄງການ “ເສີມຂະຫຍາຍໂອກາດທາງດ້ານສັງຄົມ ແລະ ເສດຖະກິດໃຫ້ກັບຊາວໜຸ່ມໃນ ສປປ ລາວ” ລວມມູນຄ່າໃນການຊ່ວຍເຫຼືອທັງໝົດແມ່ນ 1,3 ຕື້ກີບ.

ການຊ່ວຍເຫຼືອເຄື່ອງສົ່ງສະຖານີວິທະຍຸ FM ແລະ ສະໜອງອຸປະກອນເຄື່ອງເອເລັກໂຕຣນິກໃຫ້ແກ່ວິທະຍຸຊຸມຊົນສອງແຫ່ງນີ້ ແມ່ນມີຄວາມສຳຄັນຫຼາຍ, ໂດຍສະເພາະແມ່ນໄວໜຸ່ມທີ່ຢູ່ເຂດຫ່າງໄກສອກ ຫຼີກ ສາມາດເຂົ້າເຖິງຂໍ້ມູນຂ່າວສານດ້ວຍພາສາ ທ້ອງຖິ່ນ, ຊຶ່ງຂໍ້ມູນທີ່ໄດ້ຮັບຈະເປັນບ່ອນອີງໃຫ້ ເຂົາເຈົ້າ ໄດ້ມີໂອກາດໃນການຕັດສິນໃຈ ແລະ ປະກອບສ່ວນໃນຊຸມຊົນຂອງເຂົາເຈົ້າເອງ.

ພິທີມອບ-ຮັບເຄື່ອງດັ່ງກ່າວ ໄດ້ຈັດຂຶ້ນໃນວັນທີ 22 ທັນວາ 2020 ນີ້ ທີ່ ນະຄອນຫຼວງວຽງຈັນ, ລະຫວ່າງ ຜູ້ຕາງໜ້າ ອົງການ ສປຊ ປະຈຳ ສປປ ລາວ, ທ່ານ ນາງ ຣິກຄາດາ ຣິກເຈີ ແລະ ຫົວໜ້າກົມສື່ມວນຊົນ ກະຊວງ ຖວທ, ທ່ານ ສົມສະຫວາດ ພົງສາ, ໂດຍມີ ຕາງໜ້າສະຖານທູດລັດເຊຍ ປະຈຳ ສປປ ລາວ, ທ່ານ ອາເລັກຊານເດີ້ ອາຕາໂມໂນບ ພ້ອມດ້ວຍພາກສ່ວນທີ່ກ່ຽວຂ້ອງ.

ຂໍ້ມູນ: Lao National Radio

- Advertisement -

Latest news

- Advertisement -

Related news

- Advertisement -

LEAVE A REPLY

Please enter your comment!
Please enter your name here