30 C
Vientiane
ວັນພະຫັດ, ເດືອນມັງກອນ 28, 2021

ແຂວງໄຊສົມບູນ ເນັ້ນໃສ່ໃຫ້ຜູ້ປະກອບການຂະແໜງການທ່ອງທ່ຽວ ບໍລິການແຂກ ໃຫ້ມີຄຸນນະພາບ.

- Advertisement -
- Advertisement -

ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງໄຊສົມບູນ ຮ່ວມກັບ ສະຖາບັນ ສື່ມວນຊົນ, ວັດທະ ນະທຳ ແລະ ທ່ອງທ່ຽວ ໄດ້ຈັດຊຸດຝຶກອົບຮົມ ກ່ຽວກັບການຍົກລະດັບຄວາມຮູ້ ໃນການບໍລິການແຂກ ໃຫ້ມີຄຸນນະພາບ ໃຫ້ແກ່ຜູ້ປະກອບການຂະແໜງການທ່ອງທ່ຽວ ແລະ ຜູ້ປະກອບການເຮືອນພັກ, ຮ້ານອາຫານ ແລະ ຮ້ານກິນດື່ມ ຢູ່ແຂວງໄຊສົມບູນ.

ພາບປະກອບເທົ່ານັ້ນ

ການຝຶກອົບຮົມຄັ້ງນີ້, ມີນັກສຳມະນາກອນ ເກືອບ 20 ຄົນ ທີ່ມາຈາກຂະແໜງບໍລິການດັ່ງກ່າວ ແມ່ນໄດ້ຮຽນຮູ້ບັນດາທິດສະດີ ແລະ ຝຶກແອບຕົວຈິງ ກ່ຽວກັບການລະບຸຄວາມຕ້ອງການຂອງລູກຄ້າ, ຮຽນຮູ້ການພົບປະກັບກຸ່ມບໍລິການນຳທ່ຽວ, ການສະໜອງສິນຄ້າ ແລະ ບໍລິການທີ່ມີຄຸນນະພາບ, ພ້ອມກັນນັ້ນ ຍັງໄດ້ຮຽນຮູ້ ການປະເມີນການບໍລິການລູກຄ້າ ໃນການຮັກສາມາດຖານຂອງການບໍລິການ ແລະ ອື່ນໆ, ນອກຈາກນີ້ ຍັງເປັນການແລກປ່ຽນຄວາມຮູ້ ແລະ ປະສົບການ ທີ່ເປັນປະໂຫຍດແກ່ທຸລະກິດການບໍລິການ ແລະ ການທ່ອງທ່ຽວ.

ພາບປະກອບເທົ່ານັ້ນ

ຊຸດຝຶກອົບຮົມນີ້ ແມ່ນໄດ້ດຳເນີນໄປເປັນເວລາ 2 ວັນ, ວັນທີ 15 ແລະ 16 ທັນວາ 2020, ທີ່ຫ້ອງປະຊຸມພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງ, ໂດຍມີອາຈານສອນຈາກສະຖາບັນສື່ມວນຊົນ, ວັດທະ ນະທຳ ແລະ ທ່ອງທ່ຽວ ເປັນຜູ້ມາໃຫ້ຄວາມຮູ້.

ຂ່າວ: ພຸດທະສອນ

- Advertisement -

Latest news

- Advertisement -

Related news

- Advertisement -

LEAVE A REPLY

Please enter your comment!
Please enter your name here