30 C
Vientiane
ວັນພະຫັດ, ເດືອນມັງກອນ 28, 2021

ຜູ້ຕິດເຊື້ອໂຄວິດ-19 ຈະໄດ້ອອກໂຮງໝໍອີກ 2 ຄົນໃນຕອນບ່າຍມື້ນີ້.

- Advertisement -
- Advertisement -

ແພດໝໍລາວຢູ່ໂຮງໝໍມິດຕະພາບສາມາດປິ່ນປົວຜູ້ຕິດເຊື້ອພະຍາດໂຄວິດ-19 ໄດ້ຢ່າງຕໍ່ເນື່ອງ, ຫຼ້າສຸດ ຮອງຫົວໜ້າກົມພະຍາດຕິດຕໍ່ ກະຊວງສາທາລະນະສຸກ ທ່ານ ດຣ. ພອນປະເສີດ ໄຊຍະມຸງຄຸນ ໄດ້ຖະແຫຼງຂ່າວຕໍ່ສື່ມວນຊົນລາວໃນຕອນເຊົ້າຂອງວັນທີ 8 ທັນວາ 2020 ນີ້ວ່າ: ໃນຕອນບ່າຍຂອງມື້ນີ້ ຜູ້ຕິດເຊື້ອພະຍາດໂຄວິດ-19 ກໍລະນີທີ 31-32 ຫຼື ຜູ້ທີ 31 ແລະ 32 ຈະໄດ້ອອກຈາກໂຮງໝໍໄປກັກຕົວຢູ່ເຮືອນ 14 ວັນ ພາຍຫຼັງກວດບໍ່ພົບເຊື້ອພະຍາດດັ່ງກ່າວ 2 ຄັ້ງຕິດຕໍ່ກັນ ແລະ ຈະມີການກວດເຊື້ອພະຍາດດັ່ງກ່າວອີກ 2 ຄັ້ງໃນເວລາທີ່ຖືກກັກຕົວຢູ່ເຮືອນ ຖ້າ 2 ຄັ້ງບໍ່ພົບເຊື້ອກໍ່ຈະສາມາດດໍາລົງຊີວິດໄດ້ປົກກະຕິ ຖືວ່າຫາຍຂາດຈາກພະຍາດນີ້ແລ້ວ.

ມາຮອດວັນທີ 8 ທັນວາ 2020 ນີ້, ສາມາດສະຫຼຸບໄດ້ວ່າ ຍັງເຫຼືອພຽງ 13 ກໍລະນີ ຫຼື 13 ຄົນທີ່ຍັງນອນຮັກສາປິ່ນປົວພະຍາດດັ່ງກ່າວ ຢູ່ໂຮງໝໍມິດຕະພາບພາຍຫຼັງທີ່ກໍລະນີທີ 31 ແລະ 32 ໄດ້ອອກຈາກໂຮງໝໍໃນມື້ນີ້.

ມາຮອດວັນທີ 7 ທັນວາ 2020, ທົ່ວໂລກມີການລາຍງານການລະບາດ ທັງໝົດ 218 (ປະເທດ/ເຂດ) ເຊິ່ງມີການຢັ້ງຢືນຜູ້ຕິດເຊື້ອພະຍາດ COVID-19 ແມ່ນ 67.359.840 ຄົນ, ເສຍຊິວິດ 1.541.165 ຄົນ ເຊິ່ງກວມເອົາ 2,28 % ຂອງຜູ້ຕິດເຊື້ອທັງໝົດ, ປີ່ນປົວຫາຍດີ 46.558.706 ຄົນ ເຊິ່ງກວມເອົາ 69,1 % ຂອງຜູ້ຕິດເຊື້ອທັງໝົດ.ປະເທດທີ່ມີການລາຍງານການຕິດເຊື້ອ ແລະ ເສຍຊີວິດຫຼາຍກວ່າໝູ່ ແມ່ນ ສະຫະລັດອາເມຣິກາ ເຊິ່ງມີຜູ້ຕິດເຊື້ອສະສົມ 15.150.064 ຄົນ ແລະ ເສຍຊີວິດສະສົມ 288.878 ຄົນ. ຢູ່ຂົງເຂດອາຊີ ແມ່ນປະເທດ ອິນເດຍ ທີ່ມີທ່າອ່ຽງ ໃນການຕິດເຊື້ອ COVID-19 ເພິ່ມຂຶ້ນ, ມີຜູ້ຕິດເຊື້ອສະສົມ 9.676.801 ຄົນ ແລະ ມີຜູ້ຕິດເຊື້ອມື້ດຽວສູງເຖິງ 32.272 ຄົນ ແລະ ໃນບັນດາກຸ່ມປະເທດອາຊຽນ ມາຮອດວັນທີ 07 ທັນວາ 2020 ມີການຢັ້ງຢືນ ຜູ້ຕິດເຊື້ອພະຍາດ COVID-19 ແມ່ນ 1.251.729 ຄົນ ແລະ ເສຍຊີວິດ 28.913 ຄົນ.

ຂ່າວ: ວຽງຈັນທາຍ

- Advertisement -

Latest news

- Advertisement -

Related news

- Advertisement -

LEAVE A REPLY

Please enter your comment!
Please enter your name here