30 C
Vientiane
ວັນພະຫັດ, ເດືອນມັງກອນ 28, 2021

ຊ່ວຍເຫຼືອອຸປະກອນການແພດ ຕອບໂຕ້ການຂາດສານອາຫານຂອງເດັກ.

- Advertisement -
- Advertisement -

ສະຫະພາບເອີຣົບ ແລະ ອົງການຢູນີເຊັບ ປະຈຳລາວ ໄດ້ຊ່ວຍເຫຼືອອຸປະກອນການແພດ ແລະ ຢາປິ່ນປົວ ໃຫ້ແກ່ກະຊວງສາທາລະນະສຸກ ເພື່ອເສີມຂະຫຍາຍຄວາມເຂັ້ມແຂງ ໃນການຕອບໂຕ້ບັນຫາການຂາດສານອາຫານຂອງເດັກ ພາຍໃນປະເທດໃນຍຸກສະໄໝຂອງພະຍາດໂຄວິດ-19, ລວມມູນຄ່າ ເກືອບ 800.000 ໂດລາສະຫະລັດ.

ສໍາລັບເຄື່ອງຊວ່ຍເຫຼືອຄັ້ງນີ້ ແນໃສ່ນຳໃຊ້ເຂົ້າໃນວຽກງານປ້ອງກັນ ແລະ ປິ່ນປົວການຂາດສານອາຫານໃນກຸ່ມເດັກນ້ອຍລຸ່ມ 5 ປີ ໃນທົ່ວປະເທດ, ປະກອບມີ ອາຫານເສີມສໍາລັບປິ່ນປົວເດັກຂາດສານອາຫານຮ້າຍແຮງ, ຢາວິຕາມິນອາ, ເຄື່ອງວັດແທກລວງສູງ, ຊິງສັ່ງນ້ຳຫນັກ, ແນວວັດແທກຮອບເຄິ່ງກາງແຂນໃຫ້ເດັກ ແລະ ອື່ນໆ, ຊຶ່ງຈະນໍາໄປມອບໃຫ້ແກ່ພະແນກສາທາລະນະສຸກ ແລະ ໂຮງໝໍ ທົ່ວປະເທດ.

ພິທີມອບ-ຮັບເຄື່ອງຊ່ວບເຫຼືອດັ່ງກ່າວ ໄດ້ຈັດຂຶ້ນ ຫວ່າງບໍ່ດົນມານີ້ ທີ່ກະຊວງສາທາລະນະສຸກ, ມອບໂດຍ ເອກອັກຄະລັດຖະທູດສະຫະພາບເອີຣົບ ປະຈຳລາວ, ທ່ານ ນາງ ອີນາ ມາຊິວລີໂອນິແຕ ແລະ ຜູ້ຕາງຫນ້າອົງການຢູນີເຊບ ປະຈຳລາວ, ທ່ານ ນາງ ເປຍ ລີເບວໂລ ບີຮໂຕ, ຊຶ່ງຮັບໂດຍ ຮອງລັດຖະມົນຕີກະຊວງສາທາລະນະສຸກ, ທ່ານ ພູທອນ ເມືອງປາກ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ຂ່າວ: ວຽງຈັນທາຍ

- Advertisement -

Latest news

- Advertisement -

Related news

- Advertisement -

LEAVE A REPLY

Please enter your comment!
Please enter your name here